တစ်ပူပေါ် နှစ်ပူဆင့်ခဲ့သော မြန်မာ့ အောက်ခြေလူတန်းစားများ

ဒေါက်တာနွဲ့ကေခိုင်
06 ဇူလိုင်လ 2020
Article

အာဏာရှင်စနစ်အောက်တွင် ဆယ်စုနှစ်ပေါင်းများစွာ အသားကျနေသော နိုင်ငံတစ်ခု အနေနှင့် ကိုဗစ်ကဲ့သို့သော အရေးပေါ်ကာလတွင် အာဏာစက်ကို လွန်လွန်ကဲကဲသုံးသော ဒေသန္တရ အုပ်ချုပ်ရေးမျိုးများသည်လည်း မရှားလှပါ။ ဤကဲ့သို့ ကပ်ဘေးအန္တရာယ်မျိုးကို ကိုင်တွယ်ရချိန်တွင် ထောင်ချရခြင်း၊ ချုပ်နှောင်ရခြင်းကလွဲပြီး အခြားနည်းမရှိဟု ယူဆခဲ့ကြသည့် အမှုများ များစွာပင် ရှိသည်။ ကျေးလက်များအပါအဝင် နေရာတော်တော်များများတွင် လူအများ အထိတ်တလန့် စိုးရိမ်နေသောအချိန်တွင် အာဏာပိုင်များနှင့် ဆက်စပ်အဖွဲ့အစည်းများသည် ပြည်သူကို အာဏာဖြင့် ငြိမ်ဝပ်အောင် လုပ်ရန်ပိုပြီးလွယ်ကူခဲ့ကြသည်။

စာရေးသူ

ကိုဗစ်-၁၉သည် မည်သည့်နေ့ရက်တွင် ကူးစက်ပျံ့နှံ့မှုရပ်တန့်ပြီး ပုံမှန်အခြေအနေဆီ ပြန်ရောက်နိုင်မည်ဟု မည်သူကမျှမပြောနိုင်ပါ။ မျှော်လင့်ထားကြသော အခြေအနေသစ် (New Normal) ထဲသို့ ရောက်မည်ကြံဆဲတွင်ပင် ရောဂါကူးစက်မှုများလာသောကြောင့် နောက်ပြန်ဆုတ် ရခြင်းများ ရှိနေမြဲပင် ရှိသေးသည်။ မြင့်မားလာနိုင်သည့် ကူးစက်မှုကို ကာကွယ်ရေးအတွက် အစိုးရ အဖွဲ့အစည်းများသည် လူအများစည်းကမ်းလိုက်နာမှုကို ကြီးကြပ်ရန် ပြစ်ဒဏ်စနစ်များကို ကျင့်သုံး နေကြရပေဦးမည်။ သို့ရာတွင် မချိန်မဆဘဲ အပြစ်ပေးသော ဖြစ်စဉ်များတွင် မရှင်းလင်း မလုံလောက်ပါဘဲ အာဏာကို သုံးစွဲကြချိန်တွင်သာ အပြစ်ရရန် သေချာရေရာနေခြင်းများကြောင့် ဆင်းရဲနွမ်းပါးသူများရင်ဆိုင်ရသည့် ဝန်ထုတ်ဝန်ပိုးများ ပိုမကြီးလာစေသင့်ပါ။ သို့ဖြစ်ရာ တရားဥပဒေစိုးမိုးရေးဘက်တွင် ပါဝင်ဆောင်ရွက်နေကြသူ အပေါင်း တို့သည် အရေးပေါ်ကာလအတွင်း ကုလသမဂ္ဂက ချမှတ်ထားသောမူများ - တရားဥပဒေနှင့် အညီ မျှတစွာ စီရင်ခြင်း၊ မဖြစ်မနေလိုအပ်ကြောင်း သေချာမှသာ အာဏာကိုသုံးခြင်း၊ ကြီးသည့်အမှု ကြီးသလို ငယ်သည့်အမှုကို ငယ်သလို သင့်တင့်စွာ စီရင်တတ်ခြင်း၊ အဂတိမပါဘဲ ခွဲခြားဆက်ဆံမှု ကင်းခြင်း စသည်တို့ကို မဖြစ်မနေ ထည့်သွင်း ပြင်ဆင်ကာ ကျင့်ကြံကြရန် အရေးကြီးလှပါသည်။

ရပ်ရွာအခြေပြု ကိုဗစ်-၁၉ ရောဂါကာကွယ်တားဆီးရေးစစ်ဆေးရေးဂိတ်တစ်ခု

မြန်မာနိုင်ငံအနေနှင့် လွန်ခဲ့သော နှစ်ငါးဆယ်အတွင်းတွင် ယခုအချိန်လောက် ပြည်ပနှင့် အထိအတွေ့ အဆက်အဆံများသောကာလဟူ၍ မရှိခဲ့ဖူးပါ။ ကိုဗစ်-၁၉ကြောင့်  မြန်မာနိုင်ငံသည် တစ်ကမ္ဘာလုံးအတိုင်းအတာနှင့် ကြုံရသော ဘေးဒုက္ခတစ်ခုကို နှစ်များစွာအတွင်း ပထမဆုံးအကြိမ်အဖြစ် ကြုံတွေ့ရခြင်းဖြစ်သည်။ ယခင်ကဖြစ်ပွားခဲ့သော SARS, MERS and H1N1 အစရှိသော ရောဂန္တရကပ်များတွင်  မြန်မာနိုင်ငံသည် ကမ္ဘာ့အသိုင်းအဝိုင်းနှင့် များစွာနီးစပ်မှုမရှိခဲ့ပဲ ထီးတည်းခွာပြီး ရှိနေခဲ့သည်။ လွန်ခဲ့သော ဆယ်နှစ်အတွင်းတွင် မြန်မာနိုင်ငံသည် နိုင်ငံတကာနှင့် ကုန်သွယ်ရေး အရသော်လည်းကောင်း၊ ဖွံ့ဖြိုးရေးအကူအညီအားဖြင့်သော်လည်းကောင်း၊ ကမ္ဘာ့ ကုန်စည်စီးဆင်းမှု ကွင်းဆက်များအတွင်းဝင်ရောက်လည်ပတ်ခြင်းဖြင့်လည်းကောင်း ပိုမိုပူးကပ် နီးစပ်လာခဲ့သည်။ ဓနရှင် အီလစ်များကိုဆတက်ထမ်းပိုး ကြွယ်ဝစေသော နီယိုလစ်ဘရယ် စီးပွားရေးလမ်းကြောင်းထဲသို့ ပိုမိုဝင်ရောက်လာခဲ့သော ထိုနှစ်များတွင် ကျေးလက်နှင့် အစွန်အဖျားမှ ဆင်းရဲသော လူမှုဘဝများနှင့် ဓနအင်အား ပိုင်ဆိုင်သူတို့ကြား ကွာခြားချက်မှာ ပို၍ပင် ကြီးမားလာခဲ့သည်။ ကိုဗစ်အကျပ်အတည်း စတင်လာကတည်းက တွေ့မြင်နေရသည်မှာ ကပ်ဘေးကို ရင်ဆိုင်ကြရာတွင် လူအများကြား လူမှုရေးစီးပွားရေး အင်အားကွာခြားချက်များက စကားပြောလှသည်ကိုပင်ဖြစ်သည်။

 

တရုတ်ကဲ့သို့ ကူးစက်မှုမြန်နှုန်းမြင့်နေသော နိုင်ငံများနှင့် နီးကပ်နေသောကြောင့် မြန်မာနိုင်ငံကို အန္တရာယ်မြင့်မားနိုင်ခြေရှိသောနေရာတစ်ခုအဖြစ် ပူပန်မှုများရှိခဲ့ကြသောကြောင့် မြန်မာ အစိုးရသည် မတ်လလယ်လောက်ရောက်ချိန်တွင် ပြည်သူ့ကျန်းမာရေး ပညာပေး လုပ်ငန်းများ အပါအဝင် ကိုဗစ်ကပ်ဘေးနှင့်ပတ်သက်ပြီး အရှိန်တင်ကာ စတင်ဆောင်ရွက်ခဲ့သည်။ ထိုအချိန်မှစကာ ကိုဗစ်-၁၉ဒဏ်ကြောင့် ကျဆင်းလာသောစီးပွားရေးကို ပြည်သူများ ခံနိုင်ရည်ရှိစေရန် အစီအစဉ်များကို အကောင်အထည်ဖော်ခဲ့သည်။ ၂၀၂၀ ဇွန်လကုန်တွင်မူ နိုင်ငံအတွင်းရှိ ဝင်ငွေ အနိမ့်ဆုံးသော အိမ်ထောင်စုများအား တစ်အိမ်ထောင်လျှင် စုစုပေါင်း ခုနှစ်သောင်းခွဲခန့်ရှိမည့် ငွေကြေးနှင့် ပစ္စည်း အကူအညီများကို ပေးအပ်ခဲ့ရာ သမ္မတရုံး၏ ကြေညာချက်အရ  အိမ်ထောင်စုစုစုပေါင်း ၅ သန်းကျော် ထံသို့ ရောက်ရှိမည်ဟု သိရသည်။ မတ်လမှစတင်ကာ အစိုးရသည် အသေးစားနှင့်အလတ်စားလုပ်ငန်းများအတွက် အတိုးနည်းပါးသော ချေးငွေများကို ထုတ်ပေးရန် စီစဉ်ခဲ့ပြီး ယခုအခါ ကုန်ထုတ်လုပ်မှုကဏ္ဍနှင့် ခရီးသွားကဏ္ဍမှာသူများကို ဦးစားပေးကာ ကျပ်ဘီလီယံ တစ်ရာခန့် ထုတ်ချေးပေးပြီးဖြစ်ကြောင်း ကြေညာခဲ့သည်။ ထိုသို့ အရေးပေါ် အကူအညီများပေးနိုင်ရန် အစိုးရသည် ကမ္ဘာ့ဘဏ်၊နိုင်ငံတကာငွေကြေးရံပုံငွေအဖွဲ့ ၊ အာရှဖွံ့ဖြိုးရေး ဘဏ်နှင့် ဂျပန်တို့ထံမှ (ဇွန်လအထိ) ၁.၂၅ ဘီလီယံခန့် ချေးငွေရရှိခဲ့သည်။ ဧပြီလတွင် စတင် အကောင်အထည်ဖော်ခဲ့သော ကိုဗစ်-၁၉ကြောင့် ဖြစ်ပေါ်လာနိုင်သည့် စီးပွားရေး သက်ရော က် မှုများအပေါ် ကုစားရေးအစီအစဉ်အရ ပြည်ပချေးငွေများထဲမှ ကိုဗစ်-၁၉ ကာလတွင် အရေးပေါ် လိုအပ်နေသော ကျန်းမာရေး စောင့်ရှောက်မှုလုပ်ငန်းများတွင် လောက်လောက်လားလား ပမာဏတစ်ရပ်ကို အသုံးပြုမည်ဟုဆိုသည်။ ထိုချေးငွေများကိုသာ စီမံခန့်ခွဲမှုကောင်းဖြင့် အဂတိကင်းစွာ စီမံနိုင်ခဲ့လျှင် ကျန်းမာရေးစနစ်မှာ တိုးတက်လာနိုင်ပေသည်။ မတ်လက ထုတ်ပြန်သော ကမ္ဘာ့ဘဏ်၏ မှတ်တမ်းတစ်ခုအရ မြန်မာနိုင်ငံသည် လူပေါင်း တစ်သိန်းစီအတွက် အရေးပေါ်ဆေးရုံ ကုတင်တစ်လုံးပင် ပြည့်အောင်မရှိပေ။ အသက်ရှုရန် အထောက်အကူပြုသော စက်မှာ လူတစ်သိန်းလျှင် ဝ.၄၆ လုံးသာရှိသည် ဟုဆိုရာ လူနှစ်သိန်းစီအတွက် တစ်လုံးကျပင် ပြည့်အောင်မရှိပါ။ ထိုရှိသောစက်များသည်ပင်လျှင် ပြည်နယ်နှင့်တိုင်းများရှိ ဆေးရုံကြီးများတွင် အညီအမျှရှိသည်မဟုတ်ပါ။ အကယ်၍ နိုင်ငံတကာ ချေးငွေကိုသာ ထိုကဲ့သို့ ကျန်းမာရေး အခြေခံအဆောက်အဦများအတွက် လိုအပ်ချက်သော နေရာကိုဖြည့်ပေးနိုင်ခဲ့လျှင် လက်ရှိစိုးရိမ်စရာ ချို့တဲ့သော အခြေအနေမှာ အတော်အတန် သက်သာစရာရှိသည်။ သို့ရာတွင် မြန်မာနိုင်ငံ၏ စီးပွားရေးကဏ္ဍကို ကုစားနေသော ကုထုံးများ၏ အကျိုးရလဒ်ကိုမူ အဆင်းရဲဆုံး အနွမ်းပါးဆုံးနှင့် အဖယ်ကျဉ်ခံရဆုံး အောက်ခြေအလွှာများ ချက်ချင်းဆိုသလို  ခံစားခွင့်ရရန်မှာ မဖြစ်နိုင်သလောက်ပင်ဖြစ်သည်။ သူတို့ရှိရာ အောက်ခြေသို့ တဖြည်းဖြည်း ရောက်ရှိလာမည်ဆိုသော အကျိုးကျေးဇူးမှာ မြင်ယောင်ရန်ပင်ခက်သည်။ အဘယ်ကြောင့်ဆိုသော် ထိုသူတို့သည် အစိုးရက လက်ရှိ ဦးစားပေးထောက်ပံ့နေသော လုပ်ငန်းများ တွင်ပင် အလုပ်သမားဖြစ်ဖို့ရာ မလွယ်လှသောသူများ ဖြစ်နေသောကြောင့်ပင်။ သူတို့အများစု လုပ်ကိုင်နေကြသောအလုပ်များသည်အစိုးရ၏ စာရင်းအင်း ထဲသို့ဝင်သော လုပ်ငန်းများ လူမှုဖူလုံရေး ခံစားခွင့်များဖြင့် စည်းနှင့်ကမ်းနှင့် ကာကွယ်ပေးထားသော လုပ်ငန်းများ ဖြစ်မနေတတ်ကြပါ။

 

ကုလဖွံ့ဖြိုးရေးအစီအစဉ်နှင့် ကမ္ဘာ့ဘဏ်တို့က ၂၀၁၇ ခုနှစ်တွင် ကောက်ယူခဲ့ပြီး ၂၀၁၉တွင် ထုတ်ပြန်ခဲ့သော မြန်မာ့လူမှုဘ၀ စစ်တမ်း တစ်ခုအရ မြန်မာနိုင်ငံသား ၃၀ ရာခိုင်နှုန်းနီးပါးသည် တစ်နေ့လျှင် ၁၆၀၀ ကျပ်ထက် ပို၍ဝင်ငွေနည်းသော သူများဖြစ်ကြပါသည်။ မြန်မာနိုင်ငံ လူဦးရေ၏ အဆင်းရဲဆုံး ၄၀ ရာခိုင်နှုန်း၏ ဝင်ငွေမှာ မြန်မာနိုင်ငံ၏ စုစုပေါင်းဝင်ငွေ၏ ၂၂ ရာခိုင်နှုန်းသာ ရှိပါသည်။ တစ်ဖန်ထိုဝင်ငွေအနိမ့်ဆုံး အုပ်စုထဲတွင်မှ အခြေအနေအနိမ့်ဆုံး ၄၀ ရာခိုင်နှုန်းခန့်မှာ ပျံကျ လုပ်ကိုင်စားသောက်ရသူများဖြစ်ကြသည်။  ကျေးလက်ဘက်ကိုလှမ်းကြည့်လိုက်လျှင် အိမ်ထောင်စု ဆယ်စုတွင် ရှစ်စုမှာ လယ်ယာနှင့် စပ်လျဉ်းပြီး အသက်မွေးရသူများဖြစ်ကြသည်။ သို့ရာတွင် ထိုကျေးလက်မိသားစုများ၏ ဝင်ငွေသည် တစ်နိုင်လုံးဝင်ငွေ၏ ၃၇ ရာခိုင်နှုန်းခန့်သာ ရှိသည်။  မြန်မာနိုင်ငံ၏ ဆင်းရဲချမ်းသာကွာဟမှုသည်ပို၍ပင် ကျယ်ပြန့်လာပြီဖြစ်ရာ အစိုးရ၏ ကိုဗစ်အတွင်း ‘မည်သူမှ နောက်ကျမကျန်ရစ်စေရ’ ဟူသော ဆောင်ပုဒ်မှာ ထိုလူအုပ်စုကြီးက စီးပွားရေးကဏ္ဍတွင် လက်ရည်တပြင်တည်း ပြန်လည်ထူထောင်ရေးကို ခြုံငုံအဓိပ္ပါယ်ထွက်ရန်မှာ ခက်ခဲလှသည်။ လွန်ခဲ့သော ၆ လအတွင်းတွင် ကိုဗစ်-၁၉သည် မူလကပင် ဆင်းရဲသော မြန်မာ ပြည်သူတို့၏ ဘဝကို ပို၍ပင် ကျပ်တည်းစေခဲ့ပြီဖြစ်သည်။

 

ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီးဌာန ပြည်ထောင်စုဝန်ကြီးနှင့် စီးပွားရေး သက်ရောက်မှုများအပေါ် ကုစားရေး လုပ်ငန်းကော်မတီဥက္ကဋ္ဌ ဦးသောင်းထွန်းကမူ မြန်မာနိုင်ငံသည် စားနပ်ရိက္ခာဖူလုံသည့်နိုင်ငံဖြစ်ရာ မြန်မာနိုင်ငံ ကိုဗစ်အလွန် ပြန်လည် ထူထောင်ရေးတွင် မိမိတို့အားသာချက်ဖြစ်သော  စိုက်ပျိုးရေးကဏ္ဍကိုအသုံးချကာ ပို့ကုန်များ တိုးမြှင့်ရေး ဦးစားပေးကာ ကမ္ဘာ့စားနပ်ရိက္ခာ ကွင်းဆက်ထဲသို့ ရောင်းချနိုင်ရမည်ဟု ပြောကြားသည်။ လောလောဆယ်တွင်မူ ကမ္ဘာ့စားနပ်ရိက္ခာ လမ်းကြောင်းနှင့် ချိတ်ဆက်နေကြသော သီးနှံအမျိုးအစားများစွာနှင့် ရေလုပ်ငန်းသည် ဈေးကွက်ပျက်သောကြောင့် လယ်သမားများနှင့် ရေလုပ်သားများ  ဖေဖော်ဝါရီလကတည်းကစပြီး အထိနာနေခဲ့ကြသည်။ ထို့ပြင် အလုပ်အကိုင်ဖန်တီးနိုင်ရေးအတွက် အစိုးရက နိုင်ငံခြား ရင်းနှီး မြှုပ်မှုများကို ဖိတ်ခေါ်ရန် ဦးစားပေး ဆောင်ရွက်ရမည်ဟု ဆိုခဲ့သည်။ သတိထားစရာမှာ မြန်မာနိုင်ငံသို့ ကိုဗစ်ကာလ အတွင်း ဝင်ရောက်လာခဲ့သည့် နိုင်ငံခြားရင်းနှီးမြှုပ်နှံမှုများတွင်  သယံဇာတတူးဖော်ရေး ကဏ္ဍ၌ တိုးဝင် ရောက်ရှိလာခြင်းဖြစ်သည်။ အရပ်ဘက်လူ့အဖွဲ့အစည်းများအနေနှင့်မူ ကိုဗစ်-၁၉ ကာလအတွင်း အလောသုံးဆယ် ဖိတ်ခေါ်ခြင်းကို အခွင့်ကောင်းယူကာ ရောက်ရှိလာမည့် သဘာဝပတ်ဝန်းကျင်ကို ဂရုမစိုက်သော လုပ်ငန်းများကို များစွာစိုးရိမ်ပါသည်။ ယခင်ကရှိခဲ့သော နမူနာများကြောင့်လည်း စိုးရိမ်ကြောင့်ကြနေရခြင်းဖြစ်သည်။ လယ်ယာစိုက်ပျိုးရေးနှင့် သဘာဝသယံဇာ တူးဖော်ထုတ်ယူရေး ကဏ္ဍများတွင် အလျင်စလိုချသော ဆုံးဖြတ်ချက်များမှာ ခံနိုင်ရည်အင်အား အနည်းပါးဆုံးသူများနှင့် ကျေးလက်နေပြည်သူများကို အများဆုံးထိခိုက်စေခဲ့ပြီးပြီ။ အကျပ်အတည်းကို အခွင့်ကောင်းယူ ဝင်ရောက်လာသောစီမံကိန်းကြီးများသည် ဒေသခံတို့ကို ကြိုတင်တိုင်ပင်ညှိနှိုင်းကာ ချိန်ဆ ဆောင်ရွက်ခြင်းမျိုးရှိရန် ခဲယဉ်းသလို သဘာဝပတ်ဝန်းကျင် ပျက်စီးမှုများကိုလည်း တာဝန်သိသိ ဖြေရှင်းပေးကြခြင်း မရှိတတ်ကြပါ။ မေလ ၂၈ ရက်နေ့တွင် ထုတ်ပြန်သော အရပ်ဘက် လူ့အဖွဲ့အစည်းပေါင်း ၂၁၃ ဖွဲ့က ပါဝင်လက်မှတ်ထိုးခဲ့သော ကြေညာချက်တစ်ရပ်တွင် အစိုးရအနေနှင့် ကိုဗစ်ကာလ အတွင်း သဘာဝပတ်ဝန်းကျင်နှင့် ဒေသခံပြည်သူများအပေါ် အထိအခိုက်များ စေတတ်သည့် သတ္တုတူးဖော်ရေးလုပ်ငန်းများ၊ သတ္တုတူးဖော်ရေးလုပ်ငန်းများအတွက် လိုင်စင်ချ ပေးခြင်းများ၊ သတ္တုတူးဖော်ရေးအတွက် စမ်းသပ်ရှာဖွေခြင်းများ၊ ရေကာတာကဲ့သို့ စီမံကိန်းအကြီးစားများ ဆောက်လုပ်ခြင်းများနှင့် စွမ်းအင်လုပ်ငန်းစီမံကိန်းကြီးများကို ခတ္တခဏ ရပ်တန့်ထားပါရန် တောင်းဆို ထားသည်။ အဘယ်ကြောင့်ဆိုသော် ကိုဗစ်ကာလအတွင်း ချမှတ်ထားသော လူစုလူဝေးမလုပ်ရ၊ လူချင်းခွာ၍နေရမည် အစရှိသောစည်းကမ်းများကြားတွင် ပြည်သူသည် နစ်နာမှုများရှိလာခဲ့လျှင် မိမိတို့နစ်နာချက်ကို စုဝေးတိုင်ပင်ရန်၊ စုရုံး ဆန္ဒထုတ်ဖော်ရန် မဖြစ်နိုင်သောကြောင့်ပင်။ ထိုအထဲမှာပင် မေလအတွင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သည် အလတ်စားနှင့် အကြီးစား သတ္တုတူးဖော်ရေးလုပ်ငန်းပေါင်း ၁၅၈ ခု ကို  ခွင့်ပြုပေးခဲ့သည်။

 

လူစုလူဝေးရှောင်ရှားနိုင်ရန် အပြင်မထွက်ကြရေး အစီအမံများပြုလုပ်ခဲ့သည့် ကာလ (Lock Down) အတွင်း ဖြစ်ပေါ်ခဲ့သည့် စီးပွားရေးအကျပ်အတည်းများကို မြို့ပြဆင်းရဲသားများသာမက ကျေးလက်မှ နွမ်းပါးသူများလည်းရင်ဆိုင်ကြရပါသည်။ အထူးသဖြင့် ရွှေ့ပြောင်းလုပ်သားများ၏ ဝင်ငွေကို မှီခိုနေရသော ရပ်ရွာများမှာ အချိန်ကာလအတိုင်းအတာတစ်ခုအထိ ရွှေ့ပြောင်းလုပ်သားများ ဝင်ငွေကို ဆက်လက်ရရှိခြင်းမရှိတော့သည့် အခြေအနေများကြုံလာရသည်။ ကိုဗစ်-၁၉ ရောဂါပြန့်ပွားမှု မဖြစ်ပေါ်ခင်ကာလတွင် ကျေးလက်ဒေသများမှ ရွှေ့ပြောင်းထွက်ခွာကာ အခြားနေရာတွင် သွားရောက် အလုပ်ရှာဖွေရခြင်းများ အလွန်မြင့်မားလာခဲ့သည်။ အဓိကမှာ မိမိတို့နေထိုင်ရာအရပ်များတွင် သင့်တော်သည့် အလုပ်အကိုင် နှင့် ဝင်ငွေရရန် ခက်ခဲ လာသောကြောင့်ဖြစ်သည်။ ကိုဗစ်ကာလ အတွင်းတွင် ထိုအဝေးရောက် ရွှေ့ပြောင်းလုပ်သားတို့သည် ဇာတိရပ်ရွာများသို့ တဖွဲဖွဲပြန်လည် ရောက်ရှိလာကြသည်။ အထူးသဖြင့် ထိုင်းနိုင်ငံတွင် ခရီးသွားလာခွင့်များ စည်းကမ်းများကို လျှော့ချလိုက်သည့်အချိန်မှ စတင်ကာ မြန်မာနိုင်ငံအတွင်းသို့ ပြန်လည် ဝင်ရောက်လိုသည့် ဦးရေ ပိုတိုးလာခဲ့သည်။ ရှမ်းပြည်နယ်၊မွန်ပြည်နယ်၊ ကရင်ပြည်နယ်နှင့် တနင်္သာရီဒေသများကဲ့သို့ မူလကပင် ထိုင်းသို့ သွားရောက်သော အလုပ်သမားဦးရေပိုများသည့် နေရာများတွင် ပြန်လည် ဝင်ရောက် လာသူများအတွက် အလုပ်အကိုင် မရှိသောကြောင့် ကြောင့်ကြနေကြရသည်။ ပြန်လာသူများအဖို့ မည်သိုရှေ့ခရီးဆက်ရမည်ဆိုသည်မှာ မရေရာသည့် အခြေအနေမျိုးဖြစ်ပြီး အလုပ်မရှိဘဲ မည်မျှအထိ ကြာကြာနေရမည်ကို မမှန်းနိုင်ကြပေ။ ရွှေ့ပြောင်းလုပ်သားတို့ ပြန်လည် ဝင်ရောက်လာသည်နှင့်အတူ နေရင်းရပ်ရွာများတွင်လည်း အသက်မွေးဝမ်းကျောင်းလုပ်ငန်းများတွင် နေရာရရန် အပြိုင်အဆိုင်လည်း ယခင်ထက် များပြားလာသည်သာဖြစ်သည်။

 

ကိုဗစ်-၁၉ ကြောင့် စီးပွားရေး၊ လူမှုရေးထိခိုက် ခံစားရပုံခြင်းအတူတူ နေရာအတော်များများတွင် ဆင်းရဲနွမ်းပါးသူတို့အဖို့ ကြုံရသော ဒုက္ခမှာ ရိုက်ခတ်မှု ပိုပြင်းထန်ခဲ့သည်။ သူတို့သည် ကိုဗစ်-၁၉ ကာလအတွင်းသတ်မှတ်ထားသော စည်းကမ်းများကို တင်းပြည့်ကျပ်ပြည့် လိုက်နာနိုင်ရန်ထက် ဝမ်းရေးကို ပိုပြီးဦးစားပေးရဖွယ်ရှိသူများရှိရာ စည်းကမ်းဖောက်ခြင်းကြောင့် အပြစ်ပေးခံရလျှင် မလွတ်နိုင်သည့်အုပ်စုတွင် သူတို့သည် အများဆုံးပါဝင်နေကြသည်။ ကိုဗစ်-၁၉ ရောဂါပြန့်ပွားမှုကို ကာကွယ်ရာတွင် စည်းကမ်း မလိုက်နာသူများကို မဖြစ်မနေ စည်းကမ်းချမှတ်ကာ ထိန်းသိမ်းရခြင်း မှာလည်းလိုအပ်ရာ မြန်မာနိုင်ငံ၏ သမ္မတရုံးကထုတ်ပြန်ချက်များအရ ဇွန်လ လယ်တွင် တရားရုံးတွင် အပြစ်ဒဏ်ရရှိကြသူပေါင်း ၈၀၀၀ ကျော်ခန့်ရှိပြီဖြစ်သည်။ ထိုသူများထဲတွင် ၃၁၀၀ ခန့်မှာ နှာခေါင်းစည်းမတပ်သောကြောင့် အပြစ်ရကြသူများဖြစ်ကြသည်။

 

အာဏာရှင်စနစ်အောက်တွင် ဆယ်စုနှစ်ပေါင်းများစွာ အသားကျနေသော နိုင်ငံတစ်ခု အနေနှင့် ကိုဗစ်ကဲ့သို့သော အရေးပေါ်ကာလတွင် အာဏာစက်ကို လွန်လွန်ကဲကဲသုံးသော ဒေသန္တရ အုပ်ချုပ်ရေးမျိုးများသည်လည်း မရှားလှပါ။ ဤကဲ့သို့ ကပ်ဘေးအန္တရာယ်မျိုးကို ကိုင်တွယ်ရချိန်တွင် ထောင်ချရခြင်း၊ ချုပ်နှောင်ရခြင်းကလွဲပြီး အခြားနည်းမရှိဟု ယူဆခဲ့ကြသည့် အမှုများ များစွာပင် ရှိသည်။ ကျေးလက်များအပါအဝင် နေရာတော်တော်များများတွင် လူအများ အထိတ်တလန့် စိုးရိမ်နေသောအချိန်တွင် အာဏာပိုင်များနှင့် ဆက်စပ်အဖွဲ့အစည်းများသည် ပြည်သူကို အာဏာဖြင့် ငြိမ်ဝပ်အောင် လုပ်ရန်ပိုပြီးလွယ်ကူခဲ့ကြသည်။ မြန်မာ့ရိုးရာ နှစ်သစ်ကူးသင်္ကြန်ပွဲတော်ကို မကျင်းပတော့ဟု အစိုးရက ညွှန်ကြားချက် ထုတ်ပြန်ပြီးချိန်မှစပြီးကြည့်လျှင် ကျေးလက်တွင်ရော မြို့ပြတွင်ပါ မိမိတို့ရပ်ရွာကို ကိုဗစ်-၁၉ ဘေးက ကာကွယ်ရန် ဒေသန္တရ အစီအစဉ်အမျိုးမျိုး တစ်ကျောင်းတစ်ဂါထာ ဆောင်ရွက်ခဲ့ကြပုံများကို တွေ့မြင်ကြပါလိမ့်မည်။ ၂၀၀၈ခုနှစ် နာဂစ် မုန်တိုင်းပြီးကာစ အကူအညီများပေးကြသည့် အချိန်များကဲ့သို့ပင် မြန်မာ့လူမှု အသိုင်းအဝိုင်းသည် ရပ်ရွာအကျိုးကို အားသွန်ပြီး ပူးပေါင်းဆောင်ရွက်ရန် စိတ်ထက်သန်ကြပါသည်။ ကျေးရွာနှင့် ရပ်ကွက်အပါအဝင် အုပ်ချုပ်ရေးယန္တရားများ၏ ဦးဆောင်မှုအောက်တွင် မိမိတို့ တတ်စွမ်းသမျှ ပါဝင်လိုကြသည်။ ချက်ချင်းဆိုသလိုပင် ရပ်ထဲရွာထဲတွင် ကိုဗစ်-၁၉ ကာကွယ် တားဆီးရေးအဖွဲ့များ ကိုယ်စီပေါ်ပေါက်လာကြသည်။ ထိုအဖွဲ့များစွာသည် အထက်မှ ညွှန်ကြားချက်များကို သင့်သလို ဘာသာပြန်ကာ မိမိတို့ ကောင်းမည်ထင်သော အစီအမံများကို ဆောင်ရွက်ခဲ့ကြသည်။ အစောပိုင်းကာလများတွင် အထက်မှလာသော ညွှန်ကြားချက်များသည်လည်း မရှင်းလင်းခြင်းများ၊ အဓိပ္ပါယ်မပြတ်သားခြင်းများရှိသလို အချို့နေရာများတွင်လည်း မိမိတို့ ရပ်ရွာအတွက် မိမိတို့ သင့်တော်မည် ထင်သလို အဓိပ္ပါယ်ကောက်ယူခဲ့ကြခြင်းများလည်းရှိပါသည်။ ယခင်က မြင်ဖူးခဲ့သော လုပ်နေကျ ပုံစံအတိုင်း စီမံကြခြင်းမျိုးဖြစ်နိုင်သလို သိမြင်ရသမျှ တော်သလို ဆောင်ရွက်သင့်သည် ထင်သော ဘောင်ထဲမှ  ဆောင်ရွက်ကြခြင်းများလည်း ပုံစံအမျိုးမျိုးရှိကြသည်။ သို့ဖြစ်ရာ တစ်ကျောင်းတစ်ဂါထာ တစ်ရွာတစ်ပုဒ်ဆန်းဆိုသလို တစ်နေရာနှင့်တစ်နေရာ လုပ်ပုံကိုင်ပုံချင်း မတူကြသော ကိုဗစ်ကာကွယ်ရေးအစီအမံများ ပေါ်ထွက်လာကြလေသည်။ ကျေးရွာများအပါအဝင် နေရာ အတော်များများတွင်ပင် ထိုအဖြစ်အပျက်များကို တွေ့ရတတ်သည်။ ဥပမာ-တစ်မြို့နယ်တည်း တွင်ရှိသော ကျေးရွာအချင်းချင်းတွင်ပင်လျှင် Social Distancing ဟု ခေါ်သော လူစုလူဝေး ရှောင်ရှားရေးအတွက် ချမှတ်ထားသော စည်ကမ်းများ မတူတတ်ကြပေ။ အချို့သော ကျေးရွာများသည် မိမိတို့ရွာအပြင်မှလာရောင်းသော ဈေးသည်များကို အဝင်မခံ တတ်ကြသော်လည်း အချို့ရွာများကမူ လက်ဆေးခြင်းအစရှိသည့် အခြေခံလိုက်နာရမည့် စည်းကမ်းများကို ရွာအဝင်ဂိတ်တွင် လိုက်နာပြီး ရွာအတွင်းသို့ ဝင်စေသည်။

 

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ကမူ ထိုသို့ အရေးပေါ် အစီအစဉ်များကို မလိုက်နာသူများအတွက် ချမှတ်ထားသော အပြစ်ဒဏ်များ တစ်နေရာနှင့် တစ်နေရာကွာခြားနေရခြင်းမှာ တရားရေးဘက်မှ တာဝန်ရှိသူများ၏ သဘောထားများနှင့်  ဥပဒေကို ကောက်ချက်ဆွဲပုံများနှင့်လည်း များစွာသက်ဆိုင်နေသည်ဟုဆိုသည်။ အချို့သော တရားရုံးများသည် ပြင်းထန်သော ပြစ်ဒဏ်များမချမှတ်သောနည်းကို သုံးကြသော်လည်း အချို့ကမူ စည်းကမ်းသေဝပ်အောင် အပြစ်ဒဏ်ကို ထိထိရောက်ရောက် ပေးရမည်ဟု ယူဆကြပုံရသည်။ ဆင်ဆင်တူသော အမှုများတွင်ပင် အချို့က ထောင်မကျဘဲ ဒဏ်ကြေးသာဆောင်ရခြင်းရှိသလို အချို့ကမူ ကိုးလအထိ ထောင်ဒဏ်များ ချမှတ်ခံရခြင်းလည်းရှိသည်။ Human Rights Watchအဖွဲ့ကမူ ထောင်သွင်း အကျဉ်းချသည့် ပြစ်ဒဏ်များသည် ပြင်းလွန်းပြီး ထောင်တွင်း၌ ပို၍ပင် ရောဂါကိုထိန်းချုပ်ရန် ခက်ခဲခြင်းမျိုး ဖြစ်စေလိမ့်မည်ဟု သတိပေးသည်။ မြန်မာနိုင်ငံတွင် ထောင်ဆိုသည်မှာ လူစုလူဝေးမဖြစ်အောင် ရှောင်ရှားနိုင်သော နေရာမဟုတ်သောကြောင့် အပြင်ကလူကို ထောင်ထဲ ထည့်လိုက်ခြင်းအားဖြင့် ရောဂါ ကို ထိန်းချုပ်ရာမကျဘဲ ဖြစ်နေနိုင်သည်။

 

အာရှဒေသထဲရှိ အခြားနိုင်ငံများတွင် အသွားအလာများ ကန့်သတ်တားမြစ်ခြင်းကို စတင် လိုက်သည်နှင့် ကိုဗစ်-၁၉ ကာကွယ်ရေးအရေးပေါ်အစီအစဉ်များသည် အသွား နှစ်ဖက်ဓါးများသဖွယ် ဖြစ်နိုင်ပုံကို မြန်မာပြည်တွင်းမှ အရပ်ဘက် အဖွဲ့အစည်းများကြား အချင်းချင်း သတိပေးခဲ့ကြသည်။ တစ်ဘက်တွင် ထိုကာကွယ်ရေးအစီအမံများသည် ကပ်ဘေးကို ထိန်းချုပ်ရန် ဖြစ်ပြီး မြန်မာနိုင်ငံကဲ့သို့ ရောဂါကာကွယ်ရေးအတွက် ပြင်ဆင်မှုများကို များစွာမတတ်နိုင်သော နိုင်ငံ ဖြစ်နေသောကြောင့် စည်းကမ်းဖြင့် လူစုလူဝေးရှောင်ရှားရန် အစီအမံများကို ဆောင်ရွက်မှသာ ထိန်းနိုင်မည်။ သို့ရာတွင် ထိုအရေးပေါ် ကာကွယ်ရေးအစီအစဉ်များ ခေါင်းစဉ်အောက်တွင် အာဏာပြလိုမှုများရှိသည့် အုပ်ချုပ်ရေးခေါင်းဆောင်များအဆင့်ဆင့်အတွက် အခွင့်အရေး ဖြစ်သွားနိုင် ကြောင်းကို သတိချပ် နိုင်ကြရန်ဖြစ်သည်။ မတ်လအစောပိုင်းတွင်ပင် အဖွဲ့ဝင်ပေါင်း ၂၅၀ ကျော် ပါဝင်သော အရပ်ဘက်လူ့အဖွဲ့အစည်းများက အောက်ပါ ကြေညာချက်တွင် ဤသို့ထုတ်ပြန်ခဲ့သည်။ 

“နိုင်ငံရေးနှင့် စီးပွားရေးပါဝါများကို လက်ဝယ်ဆုပ်ကိုင်ထားသူများက ပိုအခွင့်အရေး ရနိုင်သော ကိုဗစ်အရေးပေါ်ကာလအတွင်း အစစ်အဆေးမရှိ သုံးနိုင်သော အာဏာ စက်သည် အချို့ အခြေအနေများတွင် လူ့သိက္ခာနှင့် ဒီမိုကရေစီ၏တန်ဖိုးများကို တိုက်စားသွားနိုင်သည့်အရေးကို များစွာပူပန်ပါသည်။ အာဏာကို အီလစ်တစ်စု၏ လက်ဝယ်တွင် ထားရှိရသော အခြေအနေမျိုးတွင် မြန်မာနိုင်ငံ၏ အခြေအနေမှာ ပို၍ပင် ဆိုးနိုင်ပါသည်။” 

 

ဧပြီလအစောပိုင်းတွင် မြန်မာနိုင်ငံ၏ ရန်ကုန်၊ မန္တလေး၊ ဧရာဝတီ၊ စစ်ကိုင်း၊ ရှမ်း၊ ကယား၊ ကရင်နှင့် မွန်အပါအဝင် ပြည်နယ်နှင့် တိုင်းဒေသကြီးများ၌ အရေးပေါ်ကာလ ညမထွက်ရ အမိန့်များကို ကျင့်သုံးခဲ့ပြီး အပြင်မထွက်ရန်၊ လူစုလူဝေးမပြုရန်စည်းကမ်းများကိုလည်း တင်းတင်းကျပ်ကျပ်ပင် ချမှတ်ခဲ့ပါသည်။ ထိုစည်းကမ်းများထဲတွင် အများသုံးသယ်ယူပို့ဆောင်ရေးစနစ်များကို ရပ်တန့်ခြင်း နှင့် လူငါးဦးထက်ပိုစုခွင့်မပြုခြင်း အစရှိသည်တို့ ပါဝင်ခဲ့ကြသည်။ ထိုစည်းကမ်းများကြားတွင် အဆင်းရဲဆုံးသော သူများအဖို့မူ ကိုဗစ်ကာလသည် အငတ်ဘေးပါ ဆိုက်ရန် အခြေအနေမျိုးကို ဖန်တီးသည်။ မည်မျှကြာကြာ ဒုက္ခရောက်နေမည်ကိုလည်း မမှန်းဆနိုင်။ ထိုအထဲတွင် ရပ်ရွာက ချမှတ်ထားသော စည်းကမ်းအတိုင်း မနေနိုင်လျှင် ဥပဒေများ စည်းမျဉ်းစည်းကမ်းများက သူတို့ကို အပြစ်ပေးရန် စောင့်ဆိုင်းနေကြသည်။

 

ဇွန်လနှောင်းပိုင်းအထိ ရန်ကုန်တွင်ရှိသောမြို့နယ်များမှ အုပ်ချုပ်ရေးအဖွဲ့အစည်းများသည် နှာခေါင်းစည်းမတပ်သူများကို ဖမ်းဆီးသည့်လုပ်ငန်းများကို ဆောင်ရွက်လျှက်ရှိကြသည်။ ထိုအဖွဲ့များက ဖမ်းဆီးပြီး တရားရုံးသို့ ပို့ဆောင်သော နှာခေါင်းစည်း မတပ်သူများ နေ့တိုင်းပင် ရှိကြ သည်။ သို့ရာတွင် အချို့နေ့များတွင် အပူချိန် ၄၀ ဒီဂရီနားကပ်သော ပြီးခဲ့သည့် မေလ ကဲ့သို့သော အပူချိန်မျိုးအောက်တွင် တစ်နေ့လုံး နှာခေါင်းစည်းတပ်ရန်မှာ နေပူထဲတွင် ကျောပူခံကာ အလုပ်လုပ် ကြရသူတို့အဖို့  မဖြစ်နိုင်သလောက်နီးပါးပင်ဖြစ်သည်။ အထူးသဖြင့် အိမ်တွင် နှစ်လနီးပါး အပြင် မထွက်နိုင်ပဲ မေလရောက်မှ အလုပ်စတင်ကြရမည့်  ခေါင်းရွက်ဗြတ်ထိုးဈေးသည်များအဖို့ အကျပ်အတည်းသည် နှာခေါင်းစည်း တစ်ခုတည်း မဟုတ်ပါ။ အဖမ်းခံရသူတို့သည် ကံကောင်း ထောက်မလျှင် တရားရုံးတွင် နေ့တစ်ဝက်လောက်သာ အချိန်ကုန်ခံကြရပြီး ဒဏ်ငွေဆောင်ကာ ပြန်လွတ်လာနိုင်သည်။ ကိုဗစ်ကာလ စည်းကမ်းများကို ချိုးဖောက်သူများသည် သဘာဝဘေး အန္တရာယ်ဆိုင်ရာစီမံခန့်ခွဲမှုဥပဒေ သို့မဟုတ် ကူးစက်ရောဂါကာကွယ်နှိမ်နင်းရေးဥပဒေ တို့ဖြင့် အရေးယူခံရ နိုင်သည်။ သို့ရာတွင် အထက်တွင်ဆိုခဲ့သည့်အတိုင်း လူတိုင်းမှာ ဥပဒေရှေ့မှောက်တွင် တညီတညာတည်း ဆက်ဆံခံရသည်မဟုတ်ပါ။ ဆိုရှယ်မီဒီယာများပေါ်တွင် ဆူညံစွာ မကျေနပ်ခဲ့ကြသည့် ကိစ္စတစ်ခုမှာ မေလနှောင်းပိုင်းတွင် ရန်ကုန်တိုင်းဝန်ကြီးချုပ်က ၎င်း၏ အစိုးရကိုယ်တိုင်ချမှတ်ထားသော စည်းမျဉ်းဥပဒေများကို မလိုက်နာဘဲ ဘာသာရေးအခမ်းအနားကို လူစုလူဝေးဖြင့် ကျင်းပခဲ့ သောကြောင့်ဖြစ်သည်။ ထိုကဲ့သို့သောလုပ်ရပ်ကို ပြုခဲ့သော်လည်း အပြစ်မရဘဲ လွတ်ကင်းခွင့်ရှိခြင်းက ပြည်သူများစွာကို မကျေမနပ်ဖြစ်စေခဲ့ပါသည်။ အဘယ်ကြောင့်ဆိုသော် ထိုကဲ့သို့သောလုပ်ရပ်မျိုးကို အခြားနေရာတွင် ပြုလုပ်ခဲ့သူတို့သည် ဥပဒေကို ချိုးဖောက်ရန် မရည်ရွယ်သည့်တိုင်အောင် မလိုက်နာခြင်း ထင်ရှားသဖြင့် ထောင်ကျနေကြသောကြောင့်ဖြစ်သည်။

 

ထိုသူတို့ထက်ပို၍ အခြေအနေပိုဆိုးသူတို့မှာ လက်နက်ကိုင်တိုက်ပွဲများကြားတွင် ပိတ်မိနေသော ပြည်သူများဖြစ်ကြသည်။ ထိုသူတို့သည် ကိုဗစ်-၁၉ ကာကွယ်ရာတွင် အဓိကကျသော ပြည်သူ့ကျန်းမာရေး ပညာပေးလုပ်ငန်းများကိုကောင်းစွာ ကြားသိရန်ခက်သလို ကျန်းမာရေး စောင့်ရှောက်မှုကို ရနိုင်ရန်၊ သန့်ရှင်းသောဝန်းကျင်တွင်နေထိုင်နိုင်ရန် မဖြစ်နိုင်သည့် အခြေအနေတွင် ရှိပါသည်။ အထူးသဖြင့် စစ်ဖြစ်ပွားနေသော မြန်မာပြည်အနောက်ပိုင်း ရခိုင်ပြည်နယ်စစ်ဇုန်များတွင် လုံခြုံရေး အကြောင်းပြချက်ဖြင့် အင်တာနက်ကို ဖြတ်တောက်ထားသောကြောင့် အခြားနိုင်ငံသား တို့ကဲ့သို့ သတင်းစကားများ အချိန်နှင့်တပြေးညီရနိုင်သည့် အခွင့်အရေးမရှိပါ။ ရခိုင် ပြည်နယ်ရှိ  ဘူးသီးတောင်၊ ကျောက်တော်၊ မောင်တော၊ မင်းပြား၊ မြောက်ဦး၊ မြေပုံ၊ ပုဏ္ဍားကျွန်းနှင့် ရသေ့တောင် မြို့နယ်များတွင်လည်းကောင်း ချင်းပြည်နယ်ရှိ ပလက်ဝမြို့နယ်တွင်လည်းကောင်း ယမန်နှစ်ဇွန်လမှစတင်ကာ အင်တာနက်လိုင်းများ ဖြတ်တောက်ခဲ့သည်။ အင်တာနက် ဖြတ်တောက် ထားသည့်အတွက် ထိုဒေသများမှ ပြည်သူများ၏ စားနပ်ရိက္ခာပြဿနာများနှင့် အသက်အိုး အိမ်မလုံခြုံမှုပြဿနာများကို သိရှိနေရန် အလွန်ခက်ခဲသွားတော့သည်။ သတင်းများကို အမှောင်ချထားနိုင်သည်နှင့်အတူ ၂၀၁၈ ဒီဇင်ဘာလမှ ၂၀၂၀ မေလအထိကြည့်လျှင် ဤဒေသမှ ပြည်တွင်းစစ်သည် အရပ်သားပြည်သူပေါင်း ၂၅၇ ဦးကို သတ်ဖြတ်ခဲ့ပြီး  ၅၇၀ ဦးခန့်ကို ဒဏ်ရာအနာတရဖြစ်စေခဲ့ပြီ။ ကိုဗစ်ကာလ အတွင်းတွင်လည်း အိုးအိမ်မဲ့ထွက်ပြေးရသူများအရေအတွက် ပိုမိုမြင့်မားလာခဲ့သည်။

 

ထိုကဲ့သို့ စစ်ဘေးအတွင်း မလုံခြုံမှုများကြီးစိုးနေချိန်တွင် ကပ်ရောဂါအကြောင်း သတင်း အချက်အလက်များကို ရရှိရန်မှာ မဖြစ်နိုင်သလောက်ပင်ဖြစ်သည်။ သတင်းအချက်အလက် အလွန် အရေးကြီးသည့်ကာလထဲမှာပင် ထိုပြည်သူတို့၏ သတင်းအချက်အလက်ရပိုင်ခွင့်ကို ငြင်းပယ်ခဲ့ကြသည်။ ရခိုင်အရပ်ဘက်လူ့အဖွဲ့အစည်းများသည် အရပ်ဘက်ပြည်သူများ၏ လူသား လုံခြုံရေးကို အလေးအနက် တောင်းဆိုထားကြပြီး အင်တာနက်ပိတ်ထားခြင်းမှာ ခွဲခြားဆက်ဆံခြင်း ဖြစ်သောကြောင့် ချက်ချင်းရပ်တန့်ပေးရန် အစိုးရကိုတိုက်တွန်းခဲ့သည်။ တစ်ချိန်တည်းတွင် မြန်မာနိုင်ငံအရပ်ရပ်တွင် ရှိကြကုန်သော အခြားပဋိပက္ခနယ်မြေများရှိပြည်သူများနှင့် စစ်ကြောင့် နယ်စပ်တစ်လျှောက် အိုးအိမ်မဲ့ ရွှေ့ပြောင်း နေထိုင်နေရသူများအတွက် ကိုဗစ်-၁၉ ကာလ ကျန်းမာရေး ပညာပေး ဆိုင်ရာအချက်အလက်များကို ရရှိရန်၊ ကျန်းမာရေး စောင့်ရှောက်မှုကိုရရှိရန်၊ ကိုဗစ်ကာကွယ်ရေးနှင့် ကုသရေးအတွက် မဖြစ်မနေ လိုအပ်သော ပစ္စည်းကိရိယာများရရှိရန်မှာလည်း အလွန်ကြီးမားသော စိန်ခေါ်မှုပင်ဖြစ်သည်။ ကိုဗစ်-၁၉ နှင့်ရင်ဆိုင်နေရချိန်တွင် ပဋိပက္ခ ဒေသများတွင် အပစ်အခတ်အားလုံး ရပ်စဲထားကြရန် ကုလသမဂ္ဂ အထွေထွေအတွင်းရေးမှုး António Gutierres က ၂၀၂၀ မတ်လ ၂၃ ရက်နေ့တွင် ထုတ်ပြန်သော  ပန်ကြားချက်သည် မြန်မာပြည်မှ ကြားရန်အတော်ပင် အလှမ်းဝေးပုံရပါသည်။ မေလ ၁၀ ရက်နေ့ သို့ ရောက်သည့်အခါကျမှပင် တပ်မတော်က တိုင်းရင်းသားလက်နက်ကိုင်အဖွဲ့များအားလုံးနှင့် အပစ်အခတ်ရပ်စဲရန် တစ်ဘက်သတ် ကြေညာပါသည်။ သို့ရာတွင် ထိုကြေညာချက်မှာ ရခိုင်တပ်များ နှင့် အကျုံးမဝင်ပါ။ အပစ်အခတ်ရပ်စဲရန် ကြေညာချက်ကို မထုတ်ပြန်မီကလေးတွင်ပင် ရက္ခိုင့် တပ်မတော် AAအား တရားမဝင်အဖွဲ့အစည်းအဖြစ် ကြေညာထားပြီးဖြစ်သည်။ မြန်မာပြည်၏ ပြည်တွင်းစစ်သည် မည်သူကမျှ ရပ်ရန်ပြောမရသည့် အခြေအနေတွင် ကိုဗစ်-၁၉ ဟူသော နောက်ထပ် စစ်ပွဲတစ်ပွဲက ရောက်လာပြီ ဖြစ်သည်။ ကိုဗစ်-၁၉ နှင့် ရင်ဆိုင်ရသည့် တိုက်ပွဲတွင် မြန်မာနိုင်ငံသို့ “တရားမဝင် ဝင်လာသူများ၊ ထို့ကဲ့သို့ ဝင်လာခြင်းကို သိလျက်နဲ့၊ လက်သင့်ခံသူများ၊ ဖုံးကွယ်ထားသူများကို ဥပဒေအရ တင်းကျပ်စွာအရေးယူမည်။”ဟု အစိုးရက ကြေညာခဲ့သည်။ ဇွန်လ ၁၃ ရက်နေ့တွင် ထုတ်ပြန်သော ထိုပြဌာန်းချက်အသစ်သည် နယ်စပ်တစ်လျှောက် ပဋိပက္ခနယ်မြေများတွင် နေထိုင်ကြသူများ၊ မြန်မာပြည်ဘက်မှ သတင်းအစုံအလင်ကို သိရှိနေရန် မသေချာသောသူများ၊ မြန်မာပြည်ထဲသို့ မိမိတို့ သွားလာနေကျလမ်းကြောင်းများမှ ပြန်လာနေကြသည့် အိမ်နီးချင်း နိုင်ငံများမှ ၀င်လာသော မြန်မာရွှေ့ပြောင်းလုပ်သားများအပေါ် အကျိုးသက်ရောက်မှု ရှိနိုင်ပါသည်။

 

ကိုဗစ်-၁၉သည် မည်သည့်နေ့ရက်တွင် ကူးစက်ပျံ့နှံ့မှုရပ်တန့်ပြီး ပုံမှန်အခြေအနေဆီ ပြန်ရောက်နိုင်မည်ဟု မည်သူကမျှမပြောနိုင်ပါ။ မျှော်လင့်ထားကြသော အခြေအနေသစ် (New Normal) ထဲသို့ ရောက်မည်ကြံဆဲတွင်ပင် ရောဂါကူးစက်မှုများလာသောကြောင့် နောက်ပြန်ဆုတ် ရခြင်းများ ရှိနေမြဲပင် ရှိသေးသည်။ မြင့်မားလာနိုင်သည့် ကူးစက်မှုကို ကာကွယ်ရေးအတွက် အစိုးရ အဖွဲ့အစည်းများသည် လူအများစည်းကမ်းလိုက်နာမှုကို ကြီးကြပ်ရန် ပြစ်ဒဏ်စနစ်များကို ကျင့်သုံး နေကြရပေဦးမည်။ သို့ရာတွင် မချိန်မဆဘဲ အပြစ်ပေးသော ဖြစ်စဉ်များ၊ ပြည်သူများကို သတင်းအချက်အလက်ပေးချိန်တွင် မရှင်းလင်း မလုံလောက်ပါဘဲ အာဏာကို သုံးစွဲကြချိန်တွင်သာ အပြစ်ရရန် သေချာရေရာနေခြင်းများကြောင့် ဆင်းရဲနွမ်းပါးသူများရင်ဆိုင်ရသည့် ဝန်ထုတ်ဝန်ပိုးများ ပိုမကြီးလာစေသင့်ပါ။ သို့ဖြစ်ရာ တရားဥပဒေစိုးမိုးရေးဘက်တွင် ပါဝင်ဆောင်ရွက်နေကြသူ အပေါင်း တို့သည် အရေးပေါ်ကာလအတွင်း ကုလသမဂ္ဂက ချမှတ်ထားသောမူများကို မဖြစ်မနေ ထည့်သွင်း ပြင်ဆင်ကာ ကျင့်ကြံကြရန် အရေးကြီးလှပါသည်။ အရေးပေါ်အခြေအနေများကို ကိုင်တွယ်ရာတွင် အာဏာကို တလွဲမသုံးနိုင်ကြရန် ချမှတ်ထားသော အဓိက မူလေးချက်မှာ တရားဥပဒေနှင့် အညီ မျှတစွာ စီရင်ခြင်း၊ မဖြစ်မနေလိုအပ်ကြောင်း သေချာမှသာ အာဏာကိုသုံးခြင်း၊ ကြီးသည့်အမှု ကြီးသလို ငယ်သည့်အမှုကို ငယ်သလို သင့်တင့်စွာ စီရင်တတ်ခြင်း၊ အဂတိမပါဘဲ ခွဲခြားဆက်ဆံမှု ကင်းခြင်းတို့ ဖြစ်ကြသည်။  စည်းမျဉ်းစည်းကမ်းနှင့် ဥပဒေများကို အများလိုက်နာအောင် ဆောင်ရွက်ရာတွင် ဘောင်မဝင်ဘဲ စိတ်ထင်သလိုပြုခြင်းများ၊ကျိုးကြောင်းမသင့်သော အပြုအမူများမရှိဘဲ ဆောင်ရွက်ရန် ကုလသမဂ္ဂက တိုက်တွန်းထားသည်။ ပြည်သူတို့သည် ၎င်းတို့အပေါ်တွင် သက်ရောက်နိုင်သော ဥပဒေ အကျိုးအပြစ်များကို ကောင်းစွာနားလည်ထားရမည်ဖြစ်ပြီး ထိုသို့ ဥပဒေအရ ကျင့်ထုံးများ ရှိကြောင်းကိုလည်း ပြည်သူက အလွယ်တကူသိရှိနိုင်ရမည်။ အကယ်၍ တရားရုံးတွင် အမှုရင်ဆိုင်ရလျှင် လွတ်လပ်မျှတသော ကြားနာမှုရှိရန်လိုအပ်ပြီး အရေးပေါ်အခြေအနေဖြစ်နေသောကြောင့် ပြစ်မှုများကို အလျင်စလို ချသည့်အတွက် မတရားဖြစ်ခြင်းကို ရှောင်ရှားကြရမည်။ ရာဇဝတ်မှုဖြင့်ရောက်ရှိလာလျှင်ပင် ထိုသူတွင်အပြစ်ဒဏ်မှ ကင်းလွတ်ခွင့် ရနိုင်သည့်အခြေအနေများရှိနိုင်ပုံကို ထည့်သွင်း စဉ်းစားရမည် ဖြစ်သည်။ ထို့ပြင် ပြည်သူတို့အပေါ် ချမှတ်သည့် ချုပ်ချယ်မှုများသည်  ပြည်သူတို့ ကျန်းမာစွာ နေထိုင်နိုင်ခွင့်နှင့် ဆန့်ကျင်နေလျှင် မလိုလားအပ်သည့် နောက်ဆက်တွဲများဖြစ်ပေါ်လာနိုင်သည်။ စည်းကမ်းများ လိုအပ်သည်မှာ မှန်သော်လည်း ပြည်သူတို့၏ အသက်ရှင်နေထိုင်ရန်လို အပ်ချက်များ မရနိုင်တော့သောကြောင့် ဘဝအခြေအနေပိုမို ဆိုးရွားလာမည့် ဒုက္ခကို ဦးစားပေးရှောင်ရှားကြရန်မှာ ကုလသမဂ္ဂ၏ မူတစ်ရပ်ဖြစ်ပါသည်။ မိမိတို့လိုလားသော အခြေအနေမျိုး ရရှိလာအောင် ဆောင်ရွက်ကြရာတွင် အတတ်နိုင်ဆုံးသင့်လျော်သည့်နည်းလမ်းများသုံးကာ ရပ်ရွာပြည်သူတို့ ဘဝ ထိခိုက်နိုင်ခြေ အနည်းဆုံး အနေအထားကို ရွေးချယ်ကြရန် ကုလသမဂ္ဂက တိုက်တွန်း ပါသည်။ နောက်ဆုံးအချက်မှာ မည်သည့်အခြေအနေမျိုးတွင်ဖြစ်စေ နိုင်ငံတကာ လူ့အခွင့်အရေး ဥပဒေများ အတိုင်း လိုက်နာပြီး ခွဲခြားဆက်ဆံမှုအမျိုးမျိုးကို ရှောင်ကြဉ်ကြရန်ဖြစ်ပါသည်။ 

 

မြန်မာနိုင်ငံသည် ကိုဗစ်ကာလတွင်သာမဟုတ် သဘာဝဘေးအန္တရာယ် အပြွမ်းဆုံးနေရာ တစ်ခုအဖြစ် သတ်မှတ်ခံထားရရာ အရေးပေါ် အခြေအနေများနှင့် မကြာခဏဆိုသလို ကြုံရနိုင်ခြေ ရှိပါသည်။ အထက်ပါ အရေးပေါ်ကာလ အာဏာကို သင့်တင့်လျောက်ပတ်စွာ ကျင့်သုံးနိုင်ရေး မူများမှာ မြန်မာနိုင်ငံအတွက် ဘေးအန္တရာယ်ရင်ဆိုင်ရာတွင် အသင့်ဖြစ်စေရေးအတွက် လိုအပ်သည့် မူများပင် ဖြစ်သည်။ ယခုကိုဗစ်ကာလ ရောဂါထိန်းချုပ်ရေးအစီအမံများ ဆောင်ရွက်ကြရာတွင်လည်း သတင်း အချက်အလက်နှင့် ပြည်သူ့ရေးရာ ဝန်ဆောင်မှုများ မရရှိနိုင်သည့် အခြေအနေမျိုးကို မည်သူ တစ်ဦးတစ်ယောက်ကမျှ မကြုံစေသင့်ပေ။ အားလုံးညီတူမျှတူ လုံခြုံဘေးကင်းခွင့်ရရှိကာ စည်းကမ်းဖောက်သဖြင့် ပြစ်ဒဏ်ရသင့်သူတို့အဖို့လည်း အနာနှင့်ဆေး သင့်ရုံသာဖြစ်စေသင့်ပါသည်။

 

 

ဒေါက်တာနွဲ့ကေခိုင်သည် ထိုင်းနိုင်ငံ ချူလာလောင်ကွန်းတက္ကသိုလ် နိုင်ငံရေးသိပ္ပံဌာနမှ Center for Social Development Studies ၏ Post-Doctoral Fellow တဦးဖြစ်သည်။ ချင်းတွင်းမဂ္ဂဇင်း၏ အယ်ဒီတာတဦးဖြစ်ပြီး မယ်မွှေးအမည်ဖြင့်လည်း သုတ၊ ရသစာပေများကို ရေးသားလျက်ရှိသည်။