ငြိမ်းချမ်းရေးနဲ့ ပျော်နိုင်မယ့် မျိုးဆက်လား

လဖိုင်ဆိုင်းရော်၏ ဆောင်းပါး
17 မတ်လ 2016
Article
စာရေးသူ

သမိုင်း၏ အရေးကြီးသည့် အချိုးအကွေ့တစ်ခုကို ကျမတို့ ရောက်ခဲ့ပြီ။ ယနေ့အချိန်လောက် မျှော်လင့်အားတက်စရာကောင်းသည့် အချိန်အခါမျိုး မကြုံခဲ့ဖူးပါ။ နိုင်ငံရေးအပြောင်းအလဲကို ကတိပေးထားသော တနိုင်ငံလုံးတွင် ဩဇာသက်ရောက်သည့် အတိုက်အခံ ပါတီကြီးကို တိုင်းရင်းသားလူမျိုးစုများကပင် လှိုက်လှိုက်လှဲလှဲ မဲပေးခဲ့ကြသည်။ မြန်မာနိုင်ငံတွင် အရပ်သားအများစုပါဝင်သည့် အစိုးရတစ်ရပ် အာဏာရလာတော့မည်။ ဤနိုင်ငံရေး အကူးအပြောင်း အောင် မြင်စေရန်အတွက် ဆင်းရဲမှုပပျောက်စေရန်၊ အဂတိလိုက်စားမှု လျော့ကျစေရန်၊ မူးယစ် ဆေးဝါးသုံးစွဲမှု သိသာစွာလျော့နည်းကျဆင်းစေရန်နှင့် ကာလကြာမြင့်စွာ ကျမတို့နိုင်ငံပျက်စီး ယိုယွင်းစေ မှုကိုဖြစ်စေသည့် အခြားလူမှုရေးပြဿနာတပုံတပင်ကို ကိုင်တွယ်ဖြေရှင်းရန် ကျမတို့လုပ်ဆောင်ကြရပါမည်။

ယခုနှစ်အစောပိုင်းက ထိမ်းမြားပြီးစ ကျမ၏သားတော်မောင်နှင့်သူ့ဇနီးမှာ ကျမတို့ထံမှ ကောင်းချီးမင်္ဂလာခံယူရန် ကချင်ပြည်နယ်သို့ ရောက်လာခဲ့ကြသည်။ ထိုအချိန်တွင် ကျမကိုကျမ မြေးငယ်လေးကို ထွေးပွေ့ထားသည့် အဖွားတစ်ယောက်အဖြစ် ပထမ ဦးဆုံးအကြိမ် စိတ်ကူးယဉ်ကြည့်မိသည်။ အနာဂတ်တွင် ပျော်စရာ နောက်ထပ်မင်္ဂလာပွဲ တစ်ခုအတွက် အိမ်သို့ရောက်လာဦးမည့် မြေးလေး သို့မဟုတ် မြေးမလေးကို ကြိုဆိုရပေဦးမည်ဟု ဆက်တွေးမိပါသည်။ နောင်လာမည့်မျိုးဆက်အတွက် ကျမဘာတွေ ထားသွားနိုင်မလဲ။ သူတို့ဘာတွေ တွေ့ကြုံဦးမလဲ။ နှင်းလွှမ်းတောင်တန်းများနှင့် တောပုန်းသစ်ခွပန်းများလား။ ဧရာဝတီမြစ်ထဲသို့စီးဝင်သွားတဲ့ တောင်ကျချောင်းငယ်လေးများလား။ သီးမှည့်အောင်မြင်နေတဲ့ လယ်ယာမြေများလား။

စစ်ဘေးရှောင်စခန်းများဖြင့် အကျီးတန်နေသော ကချင်တောင်တန်းများတွင် သစ်တောများပြန်လည် စိမ်းလန်းစိုပြေလာပြီး ငြိမ်းအေးသော ကျေးလက်ဒေသ၏ အရသာကို ခရီးသွားများ ခံစားနိုင်တော့မည်ဟု စိတ်ကူးယဉ်မိသည်။ ယနေ့ခေတ် နိုင်ငံခြားပို့ကုန် သီးနှံများကိုသာ စိုက်ပျိုးနေသူများကြောင့် မြေယာမဲ့ဘဝ ရောက်ရှိသွားရသူများနေရာတွင် သဘာဝနည်းဖြင့် စိုက်ပျိုးသည့် လယ်သမားများ ပြန်လည်ပေါ်ထွက်လာမည် ကို မြင်ယောင်မိသည်။ မူးယစ်ဆေးစွဲပြီး အချိန်ကို အလဟဿကုန်ဆုံးနေသည့် လူငယ်များနေရာတွင် တက္ကသိုလ်ကျောင်းတော်သူ၊ ကျောင်းတော်သားများ ပေါ်ထွန်းလာပေဦးတော့မည်။

ဤအတွေးမှာ ကျမ၏ ပုဂ္ဂိုလ် ရေးသက်သက် မဟုတ်ဘဲ ယနေ့ခေတ် မိဘများအားလုံး၏ ပူပန်မှုဖြစ်သည်။ ယနေ့အချိန်မှာ ၁၉၅၀ ခုနှစ်များတုန်းကလို မြန်မာနိုင်ငံတွင် အရပ်သားအများစုပါဝင်သည့် အစိုးရတစ်ရပ် တက်လာတော့မည်။ သို့သော် ၁၉၄၈ လွတ်လပ်ရေးရစခေတ်မှစပြီး နိုင်ငံရေးခေတ်တိုင်းတွင် ဗမာမဟုတ်သူ တိုင်းရင်းသားများမေးမြဲမေးခဲ့သော အခြေခံ မေးခွန်းတစ်ခုရှိဆဲဖြစ်သည်။ ထိုမေးခွန်းမှာ ဗမာလူမျိုးကြီးအုပ်စုက ဦးဆောင်သည့် နိုင်ငံရေးပါတီ တစ်ခုက ယဉ်ကျေးမှုပုံစံမျိုးစုံနှင့် တိုင်းရင်းသားလူမျိုးပေါင်းစုံ စုစည်းနေထိုင်သည့် နိုင်ငံတစ်နိုင်ငံကို အုပ်ချုပ်နိုင်ပါမည်လားဆိုသည့် မေးခွန်းပင်ဖြစ်သည်။

အစိုးရသစ် ရင်ဆိုင်နေရသည့် ပြဿနာများ

မြန်မာနိုင်ငံ ဒီမိုကရေစီစနစ်သို့အသွင်ကူးပြောင်းရေးမှာ နှစ်ပေါင်း ၂၅ နှစ်ကျော်ကြာခဲ့ပြီဖြစ်သော်လည်း ယခုအထိ ပြီး ပြည့်စုံရန် အလှမ်းဝေးနေပါသေးသည်။ ၂၀၀၈ ဖွဲ့စည်းပုံအခြေခံဥပဒေကို ၁၇ နှစ်ကြာ အချိန်ယူရေးဆွဲခဲ့သော်လည်း ထိုဥပဒေတွင် ဒီမိုကရေစီနည်းလမ်းမကျသည့်အချက်များစွာရှိနေဆဲပင်ဖြစ်သည်။

ယခုအခါ အရပ်သားအများစုပါဝင်သည့် အမျိုးသားဒီမိုကရေစီအဖွဲ့ချုပ်အစိုးရအနေဖြင့် ပြဿနာမျိုးစုံကို ရင်ဆိုင်နေရသည်။ ပထမဆုံး ပြဿနာမှာ အချို့အာဆီယံနိုင်ငံများလို ခေတ်မီနိုင်ငံတော်အဖြစ် ဖွံ့ဖြိုး တိုးတက်လာစေရန်အတွက် အဟန့်အတားဖြစ်စေသော၊ အသက်အိုးအိမ် များစွာပျက်စီးစေသော ပြည်တွင်းစစ်ဖြစ်သည်။ ထို့ နောက် တရားစီရင်ရေး၊ စီးပွားရေးအခြေခံအဆောက်အအုံ၊ ပညာရေး နှင့်ကျန်းမာရေးအပါအဝင် နိုင်ငံတော် ၏အသက်သွေးကြောတွင် ဘက်ပေါင်းစုံမှ အခြေခံကျသော ပြုပြင်ပြောင်းလဲမှုများ လုပ်ဆောင်ရန်လည်း လို အပ်နေသည်။

အမျိုးသားဒီမိုကရေစီအဖွဲ့ချုပ်အတွက် ရှေ့ ဆက်ရမည့်ခရီးမှာ မလွယ်ကူလှချေ။ တိုင်းရင်းသားအားလုံး၏ ထောက်ခံမှုဆိုသည်နှင့်အမျှ မဲပေးသူများများ၏ မျှော်လင့်ချက်မှာ မြင့်မားလှသည်။ ထို့ကြောင့် ပါတီအနေဖြင့် အစိုးရသစ်ဖွဲ့စည်းရာတွင် ခလုတ်တိုက် ခြေလှမ်းမှားမှုမျိုးမဖြစ်စေရန် ရှောင်ကိုရှောင်ရမည်။ အမျိုးသားဒီမိုကရေစီအဖွဲ့ချုပ်အနေဖြင့် အားစိုက်ဆောင်ရွက်မည်ဟု ကတိပြုထား သော ငြိမ်းချမ်းရေးနှင့် တရားဥပဒေစိုးမိုးရေးကိစ္စများကို ထင်သာမြင်သာအောင် လုပ်ဆောင်ရမည်။ ထို့ပြင်လူမှုအသိုင်းအဝိုင်းအတွင်းမှ အဆင်းရဲဆုံး၊ အခွင့်အရေးအနည်းဆုံးလူထု၏ အကျိုးကို သိသိသာသာ တိုးတက်လာအောင် ကြံဆောင်ရမည်။

စစ်အစိုးရလက်ထက် တလျှောက်လုံး အတိုက်အခံအင်အားစု ကာလကြာမြင့်စွာ ဖယ်ကြဉ်ခံ၊ အဖိနှိပ်ခံခဲ့ကြရခြင်း၏ အကျိုးဆက်တစ်ခုမှာ အမျိုးသားဒီမိုကရေစီအဖွဲ့ချုပ်ပါတီအကြီးအကဲများစွာတို့မှာ အုပ်ချုပ်ရေးပိုင်းဆိုင်ရာ ကျွမ်းကျင်မှု နှင့် အတွေ့အကြုံ ချို့တဲ့ခြင်းဖြစ်သည်။ ထိုလိုအပ်ချက်ကို ဖြည့်ဆည်းရန် စွမ်းရည်မြှင့်တင်ပေးရာတွင် ကျွမ်းကျင်ပညာ ရှင်များလိုကောင်းလိုလိမ့်မည်။

ထို့အပြင် ၂၀၀၈ခုနှစ် ဖွဲ့စည်းပုံအခြေခံ ဥပဒေအရ တပ်မတော်သည် နိုင်ငံရေးကိစ္စရပ်များနှင့် ဖွံ့ဖြိုးတိုးတက်ရေးဆိုင်ရာ လုပ်ငန်းများကို လွှမ်းမိုးခြင်း၊ တားဆီးပိတ်ပင်ခြင်း သို့မဟုတ် ထိန်းချုပ်ခြင်းတို့ပြုလုပ်နိုင်သေးသည်။ ပြည်ထောင်စု အဆင့်နှင့် ဒေသဆိုင်ရာ လွှတ်တော်များတွင် လွှတ်တော်အမတ် စုစုပေါင်း၏ ၂၅ရာနှုန်းကို တပ်မတော်သားများအတွက် ထားရှိခြင်း၊ ကာကွယ်ရေး၊ နယ်စပ်ရေးရာနှင့် ပြည်ထဲရေးဝန်ကြီးများကို တပ်မတော်က ခန့်ထားခြင်း၊ အထွေထွေအုပ်ချုပ်ရေးဦးစီးဌာနမှတဆင့် ကျေးရွာအဆင့်အထိ အုပ်ချုပ်ရေးယန္တရားတွင် ဆုံးဖြတ်ချက် ချမှတ်ပိုင်ခွင့်ရှိခြင်း၊ နိုင်ငံ၏ အမြင့်ဆုံးအဖွဲ့အစည်းဖြစ်သည့် ကာကွယ်ရေးနှင့် လုံခြုံရေးကောင်စီတွင် တပ်မတော်အရာရှိအများစုထားရှိခြင်းစသည့် အထူးအခွင့်အရေး သုံးရပ်ဖြင့် တပ်မတော်က နိုင်ငံရေး၊ဖွင့်ဖြိုးရေးလုပ်ငန်းများကို ခြယ်လှယ်နိုင်သည်။ မဲဆန္ဒရှင်များစွာ၏ ထောက်ခံမှုကို ရရှိခဲ့သော်လည်း အမျိုးသားဒီမိုကရေစီအဖွဲ့ချုပ်အနေဖြင့် နိုင်ငံရေးအာဏာကိုလက်တွေ့ကျင့်သုံးဖို့နှင့် လူမှုရေးနှင့် နိုင်ငံရေးဆိုင်ရာ အပြောင်းအလဲကို စတင်နိုင်ဖို့ တပ်မတော်၏ စေတနာကို အားကိုးနေရအုံးမည်။

လက်ရှိအချိန်တွင် အစိုးရနှင့် လွှတ်တော်သစ်များဘယ်လို ခရီးဆက်မည်ကို အမျိုးမျိုး တွက်ကိန်းထုတ်နေကြသည်။ ခေတ်အခြေအနေကို စစ်အုပ်ချုပ်ရေးအောက်တွင် ဆယ်စုနှစ်များစွာ နေထိုင်ခဲ့ရသည့် နိုင်ငံတစ်နိုင်ငံ၏ အပြောင်းအလဲ အနေဖြင့် နားလည်နိုင်သည်။ ဥပမာ စစ်တပ်အနေဖြင့် ဒီမိုကရေစီစနစ်ကို ဒီထက်ပိုပြီး မြန်မြန်သွားဖို့ အဆင် သင့်ဖြစ်မဖြစ်ကို စိုးရိမ်ပူပန်မှုများလည်း ရှိကြသည်။ တပ်မတော်ခေါင်းဆောင်များမှာ အာဏာကိုဆက်လက် ဆုပ်ကိုင်ထားချင်သေးသည်။ အထူးသဖြင့် သဘာဝသယံဇာတပေါများသည့် တိုင်းရင်းသားဒေသများအပါအဝင်၊ စစ်ဘေးသင့် နေရာများစွာကို တပ်မတော်က ဆက်ထိန်းထားချင်သေးသည်ဆိုသည့် ကောလဟလများ ထွက်ပေါ်လျက်ရှိသည်။

ကောလာဟလများအကြား အမျိုးသားဒီမိုကရေစီအဖွဲ့ချုပ်၏ ရည်ရွယ်ချက်များနှင့် လွှတ်တော်တွင် ပထမအကြိမ်ခန့်အပ် တာဝန်ပေးမှုများကို ကြည့်ရသည်မှာ ဝမ်းမြောက်စရာပင်။ ဒေါ်အောင်ဆန်းစုကြည် ၏မိန့်ခွန်းများနှင့် ပါတီ၏သဘောထားကြေညာချက်တို့တွင် အားလုံးပါဝင်သည့် ညွန့်ပေါင်းပုံစံ အစိုးရတစ်ခုကို ဖွဲ့စည်းရန် ရည်ရွယ်သည်ဟု ရှင်းလင်းစွာဖေါ်ပြထားခဲ့ပါသည်။ ငြိမ်းချမ်းရေးတည်ဆောက်မှုကို ဦးစားပေးလုပ် ဆောင်မည်။ စစ်မှန်သည့်ဖက်ဒရယ်စနစ်ကို ထောက်ခံသည်။ ပါတီအနေဖြင့် “ဖက်ဒရယ်ပြည်ထောင်စု၏ အခြေခံမူများနှင့်အညီ သဘာဝသယံဇာတ အရင်းအမြစ်ဖေါ်ထုတ်ရာမှ ရရှိသည့် အကျိုးအမြတ်များကို ညီမျှစွာ ခွဲဝေ ပေးနိုင်အောင်လုပ်ဆောင်မည်။” မကြာသေးမီက မွန်ပြည်နယ်နေ့အခမ်းအနားများ ဦးဆောင် ကျင်းပ သူများထံ သို့ ပေးပို့ခဲ့သည့် အမှာစကားတွင် ဒေါ်အောင်ဆန်းစုကြည်ကအားလုံးအတွက် “တန်းတူညီမျှမှုသော အခွင့်အရေးများ ကိုယ်ပိုင်ဆုံးဖြတ်ခွင့်များနှင့် မြန်မာနိုင်ငံတွင် စစ်မှန်သည့်ဖက်ဒရယ်စနစ်တစ်ခု”ကို ပါတီအနေဖြင့် ထောက်ခံကြောင်း အလေးအနက်ပြောကြားခဲ့ပါသည်။ နိုင်ငံရေးအကျပ်အတည်းများကို ဆယ်စုနှစ် များစွာဖြတ်သန်းခဲ့ပြီးနောက် ကျွန်မတို့ပြည်သူအားလုံးအတွက် အားတက်စရာစကားပင် ဖြစ်သည်။

အရေးကြီးသည့် ဤအချိုးအကွေ့မှာ ဘယ်ကိစ္စတွေ အဓိကလဲ

အမျိုးသားဒီမိုကရေစီအဖွဲ့ချုပ် ရင်ဆိုင်ရမည့် အခက်အခဲများစွာရှိနေလင့်ကစား ကချင်လူမျိုးများအနေဖြင့် အခြားဘေးဖယ် ခံထားရသူများကဲ့သို့ပင် မျက်မှောက်ကာလတွင် အာဏာရပါတီအနေဖြင့် ဘယ်ကိစ္စကို ဦးစားပေးလုပ်ကိုင်မှာလဲ ဆိုသည့် မေးခွန်းထုတ်ရပါတော့မည်။ ဘယ်ပြဿနာ၊ ဘယ်ဗျုဟာများကို ချက်ခြင်းအလေးဂရုပြုလုပ်ဆောင်သွားပါမှာလဲ။

လက်ရှိအခြေအနေမှာ အပေါ်ယံတွင် ပွင့်လင်းဟန်ရှိသော်လည်း အတွင်းပိုင်းတွင် ပွင့်လင်းမြင်သာမှုမရှိချေ။ အထူးသဖြင့် စစ်တပ်၊ အနားယူတော့မည့် သမ္မတနှင့်ဒေါ်အောင်ဆန်းစုကြည်တို့ တွေ့ဆုံခဲ့သော အစည်းအဝေးများ၏ ရလဒ်ကို မသိရှိ ရသေး။ ယင်းအချက်က နိုင်ငံရေးမရေရာမှုကို ဖြစ်စေသည်။ တချိန်တည်းမှာပင် နိုင်ငံသားများအားလုံး၊ ရပ်ရွာအဖွဲ့အစည်းများအားလုံး အမျိုးသားဒီမိုကရေစီအဖွဲ့ချုပ်နှင့် စေ့စပ်ညှိ နှိုင်းနိုင်သည့် အခွင့်အရေးကို ဆုပ်ကိုင်ရန်နှင့် ကျမတို့ လူထုဘဝရဲ့ အရေးကြီးဆုံးကိစ္စရပ်များနှင့် ပတ်သက်ပြီး အမျိုးသားဒီမိုကရေစီအဖွဲ့ချုပ်နှင့် တူညီသည့်အခြေခံအချက်များကို စတင်ရှာဖွေရန် အချိန်ရောက်ပြီဟုမြင်ပါသည်။

အောက်ပါ ကိစ္စရပ်များကို ချက်ခြင်း ဦးစားပေးလုပ်ဆောင်နိုင်ပါသည်။

  • အားလုံးပါဝင်သည့် အပစ်အခတ်ရပ်စဲရေး၊ လူ့အခွင့်အရေးချိုးဖေါက်မှုများကို အဆုံးသတ်ရေးနှင့် လူအားလုံးအတွက် နောက်ဆက်တွဲ ငြိမ်းချမ်းရေးလုပ်ငန်းစဉ်
  • ဖါးကန့်တွင် ကျောက်စိမ်း မတရားတူးယူခြင်း အပါအဝင် သဘာဝအရင်းအမြစ် သယံဇာတ များကို အလွဲသုံးစားပြုလုပ်ခြင်းကို ရပ်တန့်ရန်၊ သဘာဝအရင်းအမြစ်ထုတ်လုပ်ခြင်းကို အနာဂတ်မျိုးဆက်များအကျိုးကိုရည်ရွယ်၍ လုပ်ဆောင်သော စီမံကိန်းများ စတင်ဖော်ဆောင်ရန်
  • စီမံချက်တိုင်းတွင် လူမှုရေးဆိုင်ရာနှင့် ပတ်ဝန်းကျင်ဆိုင်ရာအကျိုးဆက်ကို တိုင်းတာသည့် နိုင်ငံတကာ စံချိန်စံညွှန်းများအပေါ် အခြေခံ၍ လုပ်ကိုင်ဆောင်ရွက်နိုင်မှုရှိမရှိ စမ်းသပ်လေ့လာမှု ပြုလုပ်ရန် နှင့် ဆုံးဖြတ်ချက်ချမှတ်ခြင်းနှင့် အကျိုးအမြတ်များခွဲဝေခြင်းတွင် ဒေသခံရပ်ရွာလူမှုအဖွဲ့အစည်းများ ပါဝင်ခွင့်ကို အာမခံရန်
  • မြေယာထိန်းသိမ်းစောင့်ရှောက်ရေးနှင့် အနာဂတ်မျိုးဆက်များအကျိုးကိုရည်ရွယ်သော မြေယာအသုံးပြုမှုကို အထူးအလေးထားလျက် ဥပဒေ ပြဋ္ဌာန်းပြီး မြေယာပိုင်ဆိုင်ခွင့် လုံခြုံမှုရှိစေရေးနှင့် မြေယာပြုပြင်ပြောင်းလဲရေး
  • မူးယစ်ဆေးဝါးတိုက်ဖျက်ခြင်း၊ မူးယစ်ဆေးဝါး ထုတ်လုပ်နေမှုကို ဖယ်ရှားရှင်းလင်းခြင်း၊ ဒေသခံရပ်ရွာလူမှုအဖွဲ့အစည်း များနှင့် လယ်သမားများကို ကူညီပံ့ပိုးပေးခြင်း၊ ရောင်းဝယ်ဖေါက်ကားနေသည့် ကွန်ရက်များနှင့် အကျင့် ပျက်ခြစားမှုကို တိုက်ဖျက်ခြင်းနှင့် မူးယစ်ဆေးစွဲခြင်းကို လျော့ချခြင်း
  • မြစ်ဆုံဆည်စီမံကိန်းကို ရွှေ့ဆိုင်းရုံ မကဘဲ အပြီးတိုင်ဖျက်သိမ်းခြင်းဖြင့် မြစ်ဆုံဆည်တည်ဆောက်မှု၏ ခြိမ်းခြောက်မှုကို အပြီး အဆုံးသတ်ခြင်းတို့ကို ပြုလုပ်ရန် လိုအပ်ပါသည်။/li>

မြစ်ဆုံဆည်၏ ခြိမ်းခြောက်မှုမှာ ''ဧရာဝတီကို ကယ်တင်ပါ'' လူထုလှုပ်ရှားမှုတွင် ဆန္ဒဖေါ်ထုတ်ထားသကဲ့သို့ နိုင်ငံ အတွင်းရှိ တိုင်းရင်းသားလူမျိုးအားလုံးနှင့် ဘာသာပေါင်းစုံမှ နိုင်ငံသားအားလုံး၊ လူထုအားလုံး ကို ညီညွတ် စေသော အမျိုးသားရေးဆိုင်ရာ ပြဿနာဖြစ်သည်ကို အထူးအလေးထားပြောလိုပါသည်။

ဤလုပ်ငန်းရပ်များကို ရင်ဆိုင်ရာတွင် ၂၀၁၅ခုနှစ်အထွေထွေရွေးကောက်ပွဲ၏ ရလဒ်ဖြင့် နိုင်ငံရေးအခြေအနေ များကိုလည်း ပြောင်းလဲစေခဲ့သည်ကို အသိအမှတ်ပြုရန် လိုအပ်ပါသည်။ အခြားနိုင်ငံသားများကဲ့သို့ပင် ကချင်လူမျိုး မဲဆန္ဒရှင်များက ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်ကို ရွေးချယ်ခဲ့ကြပါသည်။ အာဏာရပါတီ အပေါ် ကျမတို့အိပ်မက်တွေပုံအောပြီး နိုင်ငံရေး မျှော်လင့်ချက်တွေထားနေခြင်းမှာ ယခင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီဦးဆောင်သည့် အစိုးရတုံးကကဲ့သို့ ကျမတို့အနေဖြင့် အာဏာရပါတီကို “အတိုက်အခံ” အနေနှင့် မမြင်ပါ ဟူ၍ အဓိပ္ပါယ်သက်ရောက်သည်။ ယင်းအချက်က ပိုပြီး ပူးပေါင်း ပါဝင်ခြင်း၊ တူညီသည့်ပန်းတိုင်များအပေါ် ပိုပြီးအာရုံစိုက်ခြင်းနှင့် ဆုံးဖြတ်ချက်တိုင်း၊ နိုင်ငံရေးဆိုင်ရာ ဆုံးဖြတ်ချက်တိုင်းကို လူများအားလုံးအကြား “အားလုံးအတွက်အကျိုးရှိစေမည့် (win-win)” အခြေအနေမျိုးကို ဖန်တီးသင့်သည် ဟု ပိုပြီး နားလည်သဘောပေါက်ရန်လိုအပ်ခြင်းကို ရည်ညွှန်းပါသည်။ အပြန်အလှန်အားဖြင့် “ကချင်လူမျိုး” တစ်ခုတည်းအတွက်သာမက အမျိုးသားဒီမိုကရေစီအဖွဲ့ချုပ်၏အမြင်ဖြင့် “အမျိုးသားရေးဆိုင်ရာ” ပန်းတိုင်များ ကို ထည့်သွင်း စဉ်းစားရပါမည်။

ရပ်ရွာအဖွဲ့အစည်းများနှင့် အစိုးရတို့အကြား နှစ်ဦးနှစ်ဖက်အပြန်အလှန် ဆွေးနွေးဖလှယ်သည့်ပုံစံမျိုးဖြင့် အောင် မြင်သည့် ပြုပြင်ပြောင်းလဲမှုကိုတည်ဆောက်ရပါမည်။ အစိုးရသစ်အနေဖြင့် ပြည်သူ့ကိုယ်စားလှယ်များနှင့် အမှန်တကယ်စိုးရိမ်ပူပန် ထိတွေ့ဆက်ဆံရန်နှင့် ၁၉၅၀ခုနှစ်ပါလီမန်ခေတ် အမျိုး သားနိုင်ငံရေး ကို ပုံဖေါ်ခဲ့သလို ဟန်ပြတွေ့ဆုံမှုမျိုးထပ်မဖြစ်စေရန် လိုအပ်ပါသည်။

အမျိုးသားဒီမိုကရေစီအဖွဲ့ချုပ်အနေဖြင့် ကြီးမားသည့် နိုင်ငံရေးနှင့် လူမှုရေးဆိုင်ရာ စိန်ခေါ်မှုများကို ကိုင်တွယ်ရာတွင် အပြုသဘောမျှော်လင့်နိုင်သည့် အကြောင်းရင်းများစွာရှိပါသည်။ စိုးရိမ်ပူပန် ချက်များမှာ အများစုဖြစ်သည့် ဗမာလူမျိုးများနှင့် အားလုံးနီးပါးထပ်တူပင်ဖြစ်သည်။ ပြည်တွင်းစစ်ပြီးခဲ့လျှင် တိုင်းရင်းသားစစ်သားတိုင်းလည်း အိမ်ပြန်နိုင်မည်။ ပြည်နယ်နှင့်တိုင်းများအားလုံးတွင် သယံဇာတအရင်းအမြစ် ထုတ်ယူသည့်လုပ်ငန်းများ ပျံ့ နှံ့နေသဖြင့် သဘာဝသယံဇာတအရင်းအမြစ်များကို စီမံလုပ်ဆောင်မှု တိုးတက်ကောင်းမွန်လာလျှင် လူများအားလုံးအတွက် အကျိုးရှိမည်။ မြေယာပိုင်ဆိုင်မှုပို၍ လုံခြုံစိတ်ချရလျှင်၊ ဧရာဝတီမြစ်သည် အနာဂတ်အထိ လွတ်လပ်စွာစီးဆင်းနိုင်လျှင် တစ်နိုင်လုံးရှိ လယ်သမားများနှင့် ရပ်ရွာအဖွဲ့ အစည်းများ အားလုံးအနေဖြင့် ကြီးပွားတိုးတက်လုံခြုံနိုင်မည်။ အကျဉ်းချုပ်အားဖြင့် လူမှုရေးနှင့် နိုင်ငံရေးဆိုင် ရာကိစ္စရပ်များကို ဖြေရှင်းခြင်းက အားလုံးအတွက် အကျိုးကျေးဇူးရရှိစေနိုင်မည်ဖြစ်ပြီး လူမျိုးတစ်မျိုး သို့မဟုတ် နိုင်ငံတစ်နိုင်ငံ၏ အစိတ်အပိုင်းတစ်ခုနှင့် သက်ဆိုင်သည့်ကိစ္စရပ်မျိုး မဖြစ်သင့်ပေ။

လာမည့်လများအတွင်းတွင် မျှော်လင့်ချက်နှင့် ရည်မှန်းချက်များကို ပြန်လည်ရှင်သန်စေရန်လည်း လိုအပ်ပါသည်။ ကျမတို့အတွက် ဒီမိုကရေစီအစိုးရဖြစ်နိုင်သည့် အလားအလာရှိသောမဟာမိတ်တစ်ဦးကို လက်တွဲလုပ်ဆောင်ရပါမည်။ အကျပ်အတည်းအတားအဆီးနှင့် စစ်အုပ်ချုပ်ရေးအောက်တွင် ဆယ်စုနှစ်များစွာ ဖြတ်သန်းခဲ့ပြီးနောက် အမျိုးသားဒီမိုကရေစီအဖွဲ့ချုပ်အစိုးရ၏ အောင်မြင်မှုသည် ရေရှည်တည်တံ့ခိုင်မြဲသော ငြိမ်းချမ်းရေး၊ စစ်မှန်သောဒီမိုကရေစီနှင့် စီးပွားရေးဖွံ့ဖြိုးမှုများ ဖြစ်ထွန်းလာစေရန်အတွက် အရေးကြီးဆုံး ဖြစ်ပါလိမ့်မည်။ ကျမတို့၏အကျိုးစီးပွား၊ ကျွန်မတို့နိုင်ငံရေး ပါတီများ၏ အကျိုးစီးပွားနှင့် အရပ်ဘက် အဖွဲ့အစည်း များအားလုံးနှင့် ကျွန်မတို့ အားလုံး၏ အကျိုးစီးပွားအတွက် ဤဖြစ်စဉ်ကို တတ်စွမ်းသမျှ ကူညီ ပံ့ပိုး လုပ်ဆောင်ပေးရမည်၊

ဤသို့ ပူးပေါင်းလုပ်ဆောင်ရန်လိုအပ်ချက်သည် အမျိုးသားဒီမိုကရေစီအဖွဲ့ချုပ် သို့မဟုတ် အစိုးရသစ်နှင့် လူမှုအသိုက်အဝန်းများဆက်ဆံရေးအတွက် အခက်အခဲမဖြစ်သင့်ပါ။ ဤသို့ အမျိုးသားပြန်လည်ရင်ကြားစေ့ ရေးနှင့် ပူးပေါင်းဆောင်ရွက်ရေးလိုအပ်ချက်သည် တိုင်းရင်းသားလူမျိုးစုများကြားတွင်လည်း လိုအပ်သည်မှာ အမှန်တကယ်ပင်ဖြစ်သည်။ ဤအရေးကြီးသည့်အပြောင်းအလဲ အချိန်ကာလတွင် ကျွန်မတို့အားလုံး တူညီ သော ရည်မှန်းချက်ပန်းတိုင်သို့ အတူတကွလျှောက်လှမ်းရန် တစ်ဦးနှင့်တစ်ဦး အပေးအယူပြုလုပ်ရန်လိုအပ်ပြီး ကျွန်မတို့အကြား ဘုံရည်မှန်းချက်ကို ရှာဖွေရန်မှာလည်း အရေးကြီးလှပါသည်။ ကျွန်မတို့၏ ရည်ရွယ်ချက်မှာ ပဋိပက္ခနှင့် တိုင်းရင်းသားများ၏ နစ်နာချက်များကို ဖြေရှင်းပေးမည့် ဆွေးနွေးပွဲများ၊ ညှိနှိုင်းမှုများ သဘောတူညီ မှုများ ပါဝင်ပြီး အောင်မြင်အောင်ကူညီပံ့ပိုးရန် ဖြစ်သင့်သည်။

လိုရင်းမှာ အမျိုးသားဒီမိုကရေစီအဖွဲ့ချုပ်အစိုးရစတင်တာဝန်ယူသည့် ကာလတွင် နိုင်ငံရေး လုံးလည်ခြာလည်ဖြစ်မှု သို့မဟုတ် လူမျိုးစုတစ်စု သို့မဟုတ် ပါတီတစ်ခုကို ထပ်မံဘေးဖယ် ထားသည့်အတွက်ကြောင့် မတည်ငြိမ် မှုများနှင့် မငြိမ်သက်မှုများသံသရာတစ်ပတ်ထပ်၍ မလည်စေရန် အရေးကြီးပါသည်။

ပဋိပက္ခနှင့် ငြိမ်းချမ်းရေး

ဇာတ်နာနေသောသမိုင်းပေး သင်ခန်းစာကြောင့် ကျမတို့မှာ နိုင်ငံရေးရေချိန်ကို အမြဲ နားလည်နေရန်နှင့် အမြဲ လက်တွေ့ကျနေရန်လိုအပ်သည်။ အတိတ်သမိုင်းတွင် မဖြည့်ဆည်းနိုင်ခဲ့သည့် ကတိများနှင့် စိတ်ပျက်စရာများစွာ ပြည့်နှက်နေခဲ့သည်။ မကြာသေးမီက အမည်ခံ “တစ်နိုင်ငံလုံးဆိုင်ရာ အပစ်အခတ် ရပ်စဲရေး သဘောတူညီချက်” သည် လက်တွေ့တွင်မူ ဆန့်ကျင်ဖက်ဖြစ်နေသည်ကို သက်သေပြခဲ့သည်။ လက်မှတ်ထိုးသူနှင့်မထိုးသူများအကြား လက်နက်ကိုင်ပဋိပက္ခအသစ်များ ပြန်လည်ဖြစ်ပွားစေခဲ့သည်။ သတင်း များအရ နယ်မြေသစ်များ သိမ်းယူရန် ကြိုးပမ်းနေသည့် တိုင်းရင်းသားလက်နက်ကိုင်အဖွဲ့တစ်ခုအား ကူညီ ပံ့ပိုးရန် တပ်မတော်သည် စစ်မျက်နှာသစ်တစ်ခုဖွင့်ခဲ့သည်။ “တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်” ဆိုသည်မှာ စကားလုံးအသုံးအနှုံးတစ်ရပ်မျှသာ ဖြစ်နေခဲ့တော့သည်။

ဤသို့သော အခြေအနေတွင် ကျွန်မတို့ ကချင်လူမျိုးများနှင့် အခြား တိုင်းရင်းသားများသည် မဖြစ်မနေဆောင် ရွက်ရမည့် ပဋိပက္ခဖြေရှင်းရေးနှင့် ပတ်သက်ပြီး အမျိုးသားဒီမိုကရေစီအဖွဲ့ချုပ်အစိုးရနှင့် အခွင့်အရေးရတိုင်း ဆက်ဆံရမည်။ ယခုအချိန်အထိ အမျိုးသားဒီမိုကရေစီအဖွဲ့ချုပ်သည် ငြိမ်းချမ်းရေးဆွေးနွေးပွဲများတွင် မပါဝင်ခဲ့ဘဲ ထိုဆွေးနွေးပွဲများနှင့် ပတ်သက်၍လည်း ဂဃနဏ သိချင်မှသိပေလိမ့်မည်။ တနည်းအားဖြင့် အမျိုးသားဒီမိုကရေစီအဖွဲ့ချုပ်၏ ကင်းကွာမှုက ပြီးခဲ့သည့်နှစ်များအတွင်း တိုင်းရင်းသားလက်နက်ကိုင်အဖွဲ့များမှ ဆွေးနွေးညှိနှိုင်းသူများကို အတွေးအခေါ်အယူအဆများ ထုတ်ဖေါ်ရန် အခြေအနေဖန်တီးပေးခဲ့သည်။ အပြုသဘောအားဖြင့် အဓိကတိုင်းရင်းသားမဟာမိတ်အဖွဲ့ဖြစ်သည့် ညီညွတ်သော တိုင်းရင်းသားများ ဖက်ဒရယ်ကောင်စီမှ ခေါင်းဆောင်များသည် အမျိုးသားဒီမိုကရေစီအဖွဲ့ချုပ်ဦးဆောင်သည့် အစိုးရနှင့် ညှိနှိုင်းဆွေးနွေးရန် ကော်မတီတစ်ခုကို ဖွဲ့စည်းခဲ့သည်။ ဖက်ဒရယ်နှင့်အခြားတိုင်းရင်းသားများ အသွင်ကူး ပြောင်းရေးနှင့် ပတ်သက်သည့်အဓိကကိစ္စရပ်များတွင် အမျိုးသားဒီမိုကရေစီအဖွဲ့ချုပ်နှင့်အမြင်တူသည်ဟုလည်း ဆိုကြပါသည်။

ရှေ့ တွင် ငြိမ်းချမ်းရေးနှင့်ပြုပြင်ပြောင်းလဲရေးများလုပ်ဆောင်ရာတွင် လုပ်ငန်းစဉ်များနှင့်အသေးစိတ် အချက် အလက် များနှင့်ပတ်သက်ပြီး စိန်ခေါ်မှုအများအပြားရှိနေသည်။ ဥပမာပြရလျှင် အနာဂတ်တွင် စစ်ရေး၊ နိုင်ငံ ရေးနှင့် တိုက်ရိုက်မသက်ဆိုင်သည့် အကြောင်းအရာများအတွက် ထပ်မံဖြည့်စွက်ရမည့် ကိစ္စရပ်များ၊ တပြိုင်နက်တည်း လုပ်ဆောင်ရမည့် လုပ်ငန်းစဉ်များ ထည့်သွင်းရန် ယင်းတို့အကြားတွင် ကော်မတီနှင့် ဆွေးနွေးညှိနှိုင်းမှုများ လိုအပ်ကောင်းလိုအပ်လာနိုင်သည်။ သို့ရာတွင် ဆွေးနွေးပွဲနှင့် နိုင်ငံရေးသဘောတူညီ ချက်အတွက် မည်သည့်ပုံစံဖြင့် လုပ်ဆောင်သည်ဖြစ်စေ -

  • ငြိမ်းချမ်းရေးဆွေးနွေးပွဲများတွင် တိုင်းရင်းသားအားလုံးကို ဖိတ်ခေါ်ပြီး စစ်မှန်စွာ ပါဝင်ခွင့် ရရှိစေရန်
  • လူမှုပတ်ဝန်းကျင်တစ်ခုလုံး၏ ကဏ္ဍမျိုးစုံမှ သက်ဆိုင်သူများ အထူးသဖြင့် အမျိုးသမီးများကို ဆွေးနွေး ညှိနှိုင်းမှုတွင် ထည့်သွင်းရန်
  • ကြားနေ ( ဆွေးနွေးညှိနှိုင်းမှုကောင်းစွာဖြစ်ထွန်းစေရန် ) ပံ့ပိုးလုပ်ဆောင်ပေးသူများကို ထည့်သွင်းရန် အတွက် စဉ်းစားရန်
  • အပစ်အခတ်ရပ်စဲမှုများကို ထိထိရောက်ရောက်စောင့်ကြည့်ရန်
  • တိုက်ပွဲများကို ရပ်တန့်ရန်နှင့် တပ်မတော်တပ်ဖွဲ့များကို ဆုတ်ခွာရန်အတွက် အာမခံချက်ပေးရန်၊ တဖြည်းဖြည်းဖြင့် တပ်စွဲထားသည့် တပ်သားအရေအတွက်ကို တဆင့်ချင်းလျော့ချပြီး နယ်မြေတစ်ခု ချင်း တဖြည်းဖြည်းဆုတ်ခွာသည့်ပုံစံမျိုး ဖြစ်နိုင်ပါသည်။
  • အစိုးရအာဏာမသက်ရောက်သည့်နေရာများကို ထိန်းချုပ်ရန် ဖွဲ့စည်းထားသည့် တိုင်းရင်းသားအုပ်စု များနှင့် ဒေသအဖွဲ့အစည်းများ၏ အကျိုးစီးပွားကို ကိုယ်စားမပြုသော အစိုးရဖွဲ့စည်းပေးထားသည့် ပြည် သူ့စစ်များကို ဖျက်သိမ်းရန်
  • စစ်ဘေးရှောင်ပြည်သူများအတွက် လူသားချင်းစာနာထောက်ထားမှုဆိုင်ရာ အကူအညီများရရှိစေရန် နှင့် မိမိတို့သဘောဆန္ဒအလျောက် ပြန်လည်နေထိုင်ရေးကို ပံ့ပိုးကူညီရန်
  • တိုင်းရင်းသားလက်နက်ကိုင်အဖွဲ့များ၏ အနာဂတ်အခန်းကဏ္ဍကို သတ်မှတ်ပေးရန်
  • “၂၀၀၈ခုနှစ် ဖွဲ့စည်းပုံအခြေခံဥပဒေနှင့်အညီ ဒီမိုကရေစီနိုင်ငံတစ်ခုစီသို့ လျှောက်လှမ်းရန်” နောက် ဆုံးအခြေခံမူ ခြောက်ချက်ကို ပြန်လည်သုံးသပ်ရန်အတွက် တပ်မတော်ကို အားပေးတိုက်တွန်းရန် မဖြစ်မနေလိုအပ်ပါမည်။

နောက်ဆုံးအချက်မှာ အထူးသဖြင့် ထိရှလွယ်ပြီး ဂရုတစိုက်ကိုင်တွယ်ရန် လိုအပ်သည်။ ဆိုလိုသည်မှာ တပ်မတော်ခေါင်းဆောင်များသည် ၂၀၀၈ ခုနှစ်ဖွဲ့စည်းပုံအခြေခံဥပဒေပါ အချက်များအားလုံးကို ထိန်းသိမ်းကာကွယ်မည်ဟု ကြွေးကြော်နေမှုကို ပယ်ဖျက်ပေးရန်ဖြစ်သည်။ သို့ရာတွင် နိုင်ငံရေးဆိုင်ရာ ပြုပြင် ပြောင်းလဲမှုရှေ့ ဆက်လုပ်ဆောင်ရန်အတွက် ရွေးကောက်ခံမဟုတ်သည့် တပ်မတော်သားကိုယ်စားလှယ် ၂၅ ရာနှုန်း လွှတ်တော်တွင် နေရာယူထားနိုင်ရေး ရှင်းလင်းစွာပြဋ္ဌာန်းထားသည့် ဖွဲ့စည်းပုံအခြေခံဥပဒေအတိုင်း ကိုယ်စားပြု ဒီမိုကရေစီနိုင်ငံရေးစနစ်ကို ဖန်တီးကြိုးပမ်းမှုသည် တဖြည်းဖြည်းရှေ့ နောက်မညီညွတ်မှုများ ဖြစ်ပေါ်လာစေပေမည်။ အမျိုးသားဒီမိုကရေစီအဖွဲ့ချုပ်မှ ငြိမ်းချမ်းရေးဆွေးနွေးပွဲများဆိုင်ရာ ရည်ရွယ်ချက်များကို တိကျ ခိုင်မာစွာချမှတ်ထားခြင်း မရှိသေးပါ။ တိုင်းရင်းသားခေါင်းဆောင်များမှ ဤအခွင့်ကောင်းကို အသုံးချပြီ ဆွေးနွေးညှိနှိုင်းမှုလုပ်ငန်းစဉ်နှင့် ဆွေးနွေးပွဲဖွဲ့စည်းမှု ပုံစံများ တိုးတက်အောင် ကြိုးပမ်း လုပ်ဆောင်ကြရပါမည်။

တိုးတက်အောင်ပြုလုပ်ရမည့် နယ်ပယ်များစွာကို ရွေးချယ်သတ်မှတ်ရမည်။ ကာလကြာရှည်စွာ လျစ်လျူရှုထား သည့် ကိစ္စရပ်များကို ထောက်ပြရမည်ဆိုလျှင် ဆွေးနွေးညှိနှိုင်းမှုအဆင့်တိုင်းတွင် အမျိုးသမီးများပါဝင်ရန် အမှန်တကယ်လိုအပ်သည်။ ယင်းကိစ္စသည် “ကျား/မရေးရာတန်းတူညီမျှမှု” ကိစ္စရပ်တစ်ခုတည်းသက်သက် သို့မဟုတ် အမျိုးသမီးများသည် ပဋိပက္ခဒဏ်ကို အခံစားရဆုံးသူများဖြစ်လေ့ရှိသောကြောင့်သာလျှင် မဟုတ်ချေ။ အမျိုးသမီးများကို ညီမျှစွာပါဝင်စေမှုက ရပ်ရွာလူမှုအဖွဲ့အစည်းများနှင့် နိုင်ငံတော်နှစ်ရပ်စလုံး အတွက် အလွန်အရေးပါ သည့်ကိစ္စရပ်တစ်ခုကို ငြိမ်းချမ်းစွာ ဖြေရှင်းနိုင်ရန် အမှန်တကယ် အထောက်အကူ ဖြစ်စေပါမည်။

ဥပမာအားဖြင့် မကြာသေးမီက နိုင်ငံပေါင်း ၉၁ နိုင်ငံရှိ ကုမ္ပဏီပေါင်း ၂၂၀၀၀ ကို ပြုလုပ်ခဲ့သည့် ဝါရှင်တန် အခြေစိုက် ပီတာစဲန်င် အင်စတီကျု့ ၏ သုတေသနလေ့လာချက်တစ်ခုတွင် အလယ်အလတ်နှင့်အဆင့်မြင့် အုပ်ချုပ်ရေးပိုင်းတွင် အမျိုးသမီးများကို ပို၍ငှားရမ်းလေ၊ စီးပွားရေးလုပ်ငန်းတစ်ခုတွင် အကျိုးအမြတ်ပိုမို ရရှိလေဟု တွေ့ရှိရသည်။ အကယ်၍ အဆင့်မြင့်စီမံခန့်ခွဲမှုတွင် အမျိုးသမီးအရေအတွက် ၀ မှ ၃၀ရာနှုန်း သို့ မြင့်တက်လာလျှင် ကုမ္ပဏီ၏ အမြတ်ငွေသည်လည်း ၁၅ရာနှုန်း ပို၍ မြင့်တက်လာသည်။ အခြားအဖွဲ့အစည်း များတွင်လည်း အမျိုးသမီးများ တက်ကြွစွာပါဝင်ခွင့်ရသဖြင့် ထိုနည်းလည်းကောင်းပင် ဖြစ်သည်ဆိုသည့် အချက်မှာ သံသယ ဖြစ်စရာမရှိချေ။ သင်ခန်းစာမှာ ရှင်းနေပါသည်။ အမျိုးသမီးများပါဝင်မှုက အကြမ်းဖျဉ်း အားဖြင့် လူမှုအသိုင်းအဝိုင်းကို အကျိုးဖြစ်ထွန်းစေပြီး ကျွန်မတို့နိုင်ငံအနေဖြင့် ကာလကြာမြင့်စွာ လိုအပ်နေသည့် လူ့အခွင့်အရေးများ၊ ဒီမိုကရေစီနှင့် စီးပွားရေးဆိုင်ရာ ဖွံ့ဖြိုးတိုးတက်မှုကိစ္စရပ်များနှင့် ပတ်သက်ပြီးလည်း မရှိမဖြစ်လိုအပ်ပါသည်။

ထို့ကြောင့် ကျွန်မတို့နိုင်ငံ၏ ငြိမ်းချမ်းရေးလုပ်ငန်းစဉ်တွင် အမျိုးသမီးများ၏ အဓိကကျသည့် အခန်းကဏ္ဍကို စိတ်ဓါတ်တက်ကြွအားကျစေမှုနှင့်အောင်မြင်မှုအတွက် နမူနာအဖြစ် အနာဂတ်မျိုးဆက်များအနေဖြင့် ဂုဏ်ယူ ဝင့်ကြွားစွာ ပြန်လည်ကြည့်ရှုနိုင်မည်ဟု မျှော်လင့်ကြပါစို့။ ကာလကြာမြင့်စွာ အထောက်အကူမဖြစ်လှသော အရှိတရားတစ်ခုမှာ အမျိုးသမီးများကို ဘေးဖယ်ထားခြင်းနှင့်လျစ်လျူရှုထားခဲ့ခြင်းပင်ဖြစ်သည်။

သယံဇာတစီမံခန့်ခွဲမှုနှင့် သယံဇာတခွဲဝေမှု

တိုင်းရင်းသားလူမျိုးအားလုံးကဲ့သို့ပင် ကချင်လူမျိုးများအတွက် အဓိကကျသော နောက်ဆုံးစိုးရိမ် ပူပန်ရ သည့်ကိစ္စမှာ သဘာဝသယံဇာတ စီမံခန့်ခွဲမှုပင်ဖြစ်သည်။ သယံဇာတထုတ်ဖေါ်သည့်လုပ်ငန်းများ၊ အကျိုး အမြတ်များနှင့် ဝင်ငွေများကို ခွဲဝေမှုမှာ ရှုပ်ထွေးလှသည့် လုပ်ငန်းစဉ်ဖြစ်၍ လိုအပ်သည့်ကျွမ်းကျင်မှုမရှိဘဲ မဆောင်ရွက်သင့်ချေ။ ဆောင်ရွက်မည်ဆိုလျှင်လည်း ဒေသန္တရအုပ်ချုပ်စီမံမှုလုပ်ငန်းစဉ်အောက်တွင်သာ မြန်မာနိုင်ငံအနေဖြင့်မူ အားလုံးသဘောတူညီထားသည့် ပန်းတိုင်ဖြစ်သည့် ဖက်ဒရယ် ပြည်ထောင်စုစနစ် အောက်တွင်သာ ညှိနှိုင်း ဆောင်ရွက်ရန် လိုအပ်သည်။ လက်ရှိတွင် တစ်ဆင့်ပြီးတစ်ဆင့် ဒေသန္တရ အဆင့်သို့ အာဏာကို ခွဲဝေပေး ခြင်းသည် လက်တွေ့ကျသောအခြေအနေတစ်ခု ဖြစ်နေသည်။ သို့ရာတွင် ဖက်ဒရယ်စနစ် ကို တည်ထောင်မှုသည် အချိန်လိုအပ်ပြီး ဖွဲ့စည်းအုပ်ချုပ်ပုံ အခြေခံဥပဒေပြင်ဆင်မှုအပေါ်တွင် မူတည်နေ ပါသည်။

လတ်တလောအချိန်တွင် -

  • အနာဂတ်၌ ပြည်ထောင်စုငြိမ်းချမ်းရေးဆွေးနွေးပွဲ မူဘောင်အတွင်း ဖြစ်လာနိုင်သည့် သယံဇာတခွဲဝေမှုစနစ်ကို မည်သို့ စီမံခန့်ခွဲမည်ဆိုသည့် ဆွေးနွေးပွဲတစ်ခုကို အာရုံစိုက်ခြင်း
  • ဒေသန္တရအစိုးရဝန်ထမ်းများ ကျွမ်းကျင်စွာလုပ်ဆောင်နိုင်ရန် သယံဇာတစီမံခန့်ခွဲမှုနှင့် ဘဏ္ဍာငွေသုံးစွဲ မှုတာဝန်များကို တဖြည်းဖြည်း ခွဲဝေပေးရန် အစိုးရနှင့် ညှိနှိုင်းခြင်း
  • တရားမဝင် သတ္တုတူးဖေါ်ခြင်း၊ မှောင်ခိုပြုလုပ်ခြင်း၊ အမှန်အတိုင်းမတင်ပြခြင်းတို့ကို တိုက်ဖျက် လျော့ချရန် နှင့် ထုတ်ယူသည့် သတ္တုပစ္စည်းများ၏ တန်ဖိုးကိုအကဲဖြတ်နိုင်ပြီး မိမိတို့ရသင့်သည့် ဝေစုကို ရရှိခြင်းရှိမရှိသိရှိနိုင်စေရန် ဒေသန္တရအစိုးရများအား သတင်းအချက်အလက်များ အသိပေးရန် ပြည်ထောင်စုအစိုးရနှင့် ညှိနှိုင်းခြင်းတို့သည် လုပ်ဆောင်သင့်သည့် လုပ်ငန်းများဖြစ်ပါသည်။

နိဂုံးချုပ်

လုပ်ဆောင်သင့်သောပန်းတိုင်များကို တွေးတောချမှတ်ရသည်မှာ လွယ်ပါသည်။ သို့သော် လက်တွေ့ကျရန်နှင့် ကျမတို့ရင်ဆိုင်နေရ သည့် စိန်ခေါ်မှုတိုင်းအတွက် ချက်ခြင်းအကျိုးရလဒ်များကို မမျှော်မှန်းနိုင်ကြောင်းကို မြန်မာနိုင်ငံ၏ ခါးသီးလှသော သမိုင်းအတွေ့အကြုံများမှ သင်ခန်းစာပေးခဲ့ပြီးဖြစ်သည်။ တိုးတက်ပြောင်းလဲ မှု ဆိုသည်မှာ ပိုကောင်းလာအောင် အသေးအမွှားအပြောင်းအလဲလေးများပြုလုပ်ရင်း တခုပြီးတစ်ခု တဖြည်းဖြည်း တိုးပွားလာသည့်အရာမျိုးသာလျှင် ဖြစ်နိုင်ပါသည်။ လတ်တလောတွင် ကျွန်မတို့၏ ပန်းတိုင်များကို ရောက်ရှိ စေရန်အတွက် သင့်တော်သည့်အရေးယူဆောင်ရွက်မှုများကို စတင်လုပ်ဆောင်ရန်နှင့် ဦးတည်ချက်ကို မြဲမြဲ ဆုပ်ကိုင်ထားနိုင်ရန် အခွင့်အရေးများပေါ်လာတိုင်း မလွတ်တမ်းဆုပ်ကိုင်ရန် အဆင်သင့်ဖြစ်နေရမည်။ ဆင်းရဲမွဲတေမှု၊ အကျင့်ပျက် ခြစားမှုနှင့် တရားဥပဒေဖြင့် အရေးယူမခံရမှုများကို ကိုင်တွယ်ရန်၊ ပဋိပက္ခများ အဆုံးသတ်ရန် တရားဥပဒေနည်းလမ်းများနှင့်ဒေသန္တရနှင့် ပြည်ထောင်စုအဆင့် လွှတ်တော်များ၏ ပံ့ပိုး ကူညီမှုဖြင့် အရပ်ဘက်အဖွဲ့အစည်းများ၏ လုပ်ဆောင်ချက်များနှင့် ပြည်သူလူထု၏ထောက်ခံမှုကို အသုံးချ၍ အားလုံးစုပေါင်း လုပ်ဆောင်ကြရမည်ဟု ဆိုလိုခြင်းဖြစ်သည်။

ဤတွင်အတိတ်အမွေဆိုးများကို ဖြေရှင်းရာတွင် အခက်အခဲအသစ်များနှင့်ရင်ဆိုင်ရန်လည်း ပြင်ဆင်ထားရန် လိုအပ်သည်။ နိုင်ငံ၏ အသွင်ကူးပြောင်းရေးသည် ချောမွေ့သည့်လမ်းတစ်ခုဖြစ်နိုင်မည့်ပုံမရှိချေ။ လက်ရှိနမူနာတစ်ခုမှာ မူးယစ်ဆေးဝါးဆန့်ကျင်တိုက်ဖျက်ရေးအဖွဲ့တစ်ခုဖြစ်သည့် ပတ်ဂျာဆန်(Pat Jasan)အဖွဲ့၏ လုပ်ငန်းများနှင့် ထိပ် တိုက်တွေ့နေခဲ့သော ကချင်နှင့်ရှမ်းပြည်နယ်များတွင် ဘိန်းစိုက်ပျိုးမှုနှင့် မူးယစ်ဆေးတိုက်ဖျက်ရေးပြဿနာပင် ဖြစ်သည်။ ဤနေရာ၌ ဒေသအဆင့်တွင် ပဋိပက္ခဖြစ်နေသော လုပ်ဆောင်ရမည့်ကိစ္စရပ်များသည် နိုင်ငံတော် အဆင့်ရှိ အင်အားကြီးမားသော အကျိုးစီးပွား ပါဝင်ပတ်သက်သူများနှင့်ဆက်စပ်နေသည်ကို တွေ့မြင် နေရသည်။ ကာလကြာမြင့်စွာ ဒုက္ခခံစားလာရသည့် ပြည်သူလူထုအနေဖြင့် သူတို့၏ အသက်အန္တရာယ် ကို ထိခိုက်လာစေနိုင်သည့် ကိစ္စရပ်များကို အရေးယူဆောင်ရွက်ရာတွင် မူးယစ်ဆေးဝါး ရောင်းဝယ်ဖေါက်ကားမှုနှင့် ပတ်သက်သော ယခင်အစိုးရ၏ အကျိုးစီးပွားများနှင့် ဆက်စပ်မှုရှိနေသည့် ဒေသဆိုင်ရာ ပြည်သူ့ စစ်များ၏ ခြိမ်းခြောက်မှုများရှိလာခဲ့ပါသည်။ တချိန်တည်းမှာပင် အသက်မွေးဝမ်းကျောင်းလုပ်ငန်းဆုံးရှုံးသွား သည့် လယ်သမားများအတွက် တရားမဝင်ကုန်သွယ်မှုကို အားထားမှီခိုနေရခြင်းမှ ကင်းလွတ်စေရန် အခြား အသက်မွေးဝမ်းကျောင်းနည်းလမ်းကိုလည်း ဖန်တီးပေးရန် လိုအပ်သည်။

ကျမတို့နိုင်ငံ၏ နိုင်ငံတော်အဆင့် တွေ့ဆုံဆွေးနွေးမှုနှင့် ငြိမ်းချမ်းရေးလုပ်ငန်းစဉ်ကို အားလျော့မသွားစေ ရေးအတွက် ဤကိစ္စရပ်များအားလုံးကို ကိုင်တွယ်ဖြေရှင်းရပါမည်။ ပြည်သူများဒုက္ခခံစားရချိန်မှုတွင် သယံဇာတများ၊ ကုန်သွယ်မှုနှင့် ပဋိပက္ခတို့သည့် တစ်ခုနှင့်တစ်ခုနီးကပ်စွာဆက်စပ်ပတ်သက်လျှက်ရှိပါသည်။ လာမည့်နှစ်များတွင် ကျွန်မတို့အားလုံးအတွက် သက်ဆိုင်ရာ အုပ်စုများအားလုံးအချင်းချင်း သဘောတူညီမှုများရရှိနိုင်ရေးသည် အရေးကြီးတကြီးကိစ္စရပ်ပင်ဖြစ်သည်။ နည်းလမ်းအမျိုးမျိုး ကိုတွဲစပ်သုံးပြုရမည် ဆို သည့် အဓိပ္ပါယ်ပင်ဖြစ်သည်။ မည်သည့်အခက်အခဲများရှိစေကာမူ၊ ဤအရေးကြီးသည့် ကိစ္စရပ်များအပေါ် နိုင်ငံတော်အဆင့် အာရုံ စိုက်မှုများဆက်လက်ထားရှိခြင်း၊ ဆက်စပ်ပတ်သက်သူများ အားလုံး ပါဝင်နိုင်ရန် နည်းလမ်းများရှာဖွေခြင်း၊ ငြိမ်းချမ်းရေးလုပ်ငန်းရှေ့ ဆက်သည်နှင့်အမျှ အရပ်သားအစိုးရနှင့် လွှတ်တော်များအား ကျွန်မတို့၏ အားသာချက်နှင့်ကျွှမ်းကျင်မှုများကို မျှဝေပေး၍့ အောင်မြင်မှုအခွင့်အလမ်း များကိုအနှောက်အယှက်ဖြစ်စေမှုကို ရှောင်ရှားနိုင်ရပါမည်။ ၁၉၆၀ခုနှစ်မှစပြီးယခုအချိန်အထိ ပထမဆုံးအကြိမ် ဒီမိုကရေစီနည်းကျရွေးကောက်တင်မြှောက်ခဲ့သည့် အရပ် သားအစိုးရ၏ အောင်မြင်မှုအတွက် ကျမတို့အနေဖြင့် လိုလိုလာလာဆန္ဒပြုကြဖို့ လိုပါမည်။

ကျမ ဇာတိမြေအတွက် ကျမရဲ့ ငြိမ်းချမ်းရေးအမြင်က ရှင်းပါသည်။ ကချင်ပြည်နယ်မှာ သဘာဝပတ်ဝန်းကျင်ပြန်လည်နလန်ထူလာစေဖို့နဲ့ ကျမရဲ့ မြေးလေးတွေ တန်းတူအခွင့်အလမ်းတွေ ရနိုင်ဖို့ဖြစ်သည်။ ဒါလောက်လေး မျှော်လင့်မိတာတောင် သိပ်လွန်နေပြီလား။ ပဋိပက္ခတွေစခဲ့တဲ့ ၁၉၆၁က စတင်ရေတွက်ရင် ၅၅နှစ်ကြာပြီဖြစ်တဲ့ ခုချိန်မှာ ဒါလေး တောင့်တမိတာ သိပ်များသွားလား။ တကယ်လိုအပ်တဲ့ ပြောင်းလဲချက်တွေကို ဖော်ဆောင်ရာမှာ ကျမတို့အားလုံးရဲရဲဝံ့ဝံ့ဝင်ရောက်လုပ်ကိုင်ကြရမည်။ အိပ်မက်တွေကို ရဲရဲမက်ကြရမည်။ ကျမတို့ မြေးလေးတွေရဲ့ မျိုးဆက်ဟာ ငြိမ်းချမ်းရေးမျိုးဆက် ဖြစ်ကိုဖြစ်ရပါမည်။

လဖိုင်ဆိုင်းရော်သည် ၂၀၁၃ခုနှစ် ရေမွန် မက်ဆေးဆေးဆုရှင်နှင့် မေတ္တာဖွံ့ဖြိုးရေးဖောင်ဒေးရှင်းနှင့် Airavati တို့ကို ပူးတွဲတည်ထောင်ခဲ့သူလည်းဖြစ်သည်။

ဤဆောင်းပါးသည် ဆွီဒင်မှထောက်ပံ့သည့် စီမံချက်တစ်ခု၏ အစိတ်အပိုင်းပင်ဖြစ်သည်။