မြေယာသည် တိုင်းရင်းသားများအတွက် အသက်သွေးကြောဖြစ်သဖြင့် မိမိတို့၏ ဓလေ့ထုံးတမ်းလာ မြေယာ များကို မိမိတို့ကိုယ်တိုင် စီမံပိုင်ခွင့်ရှိရမည်။

06 Abril 2017
Article

မြန်မာနိုင်ငံအစိုးရ၏ ပြုပြင်ပြောင်းလဲရေး စတင်ခဲ့သည့် ၂၀၁၁ ခုနှစ်မှစ၍ မြေသိမ်းယာသိမ်းဖြစ်ရပ်များ မကြုံစ ဖူး မြင့်တက်လာခဲ့သည်။ ပြုပြင်ပြောင်းလဲရေးလုပ်ငန်းများ၌ အထူးသဖြင့် ကုန်းမြင့် တောင်တန်းဒေသများရှိ မြေအသုံးပြုခွင့် အခွင့်အရေးနှင့် ပတ်သက်သည့် ဥပဒေအခင်းအကျင်းကို ပြောင်းလဲသွားစေသည့် မြေယာနှင့် ရင်းနှီးမြှုပ်နှံမှုဆိုင်ရာ ဥပဒေသစ်များစွာ ပါဝင်လျက်ရှိပြီး မြေယာကဏ္ဍ၌ ပြည်တွင်းပြည်ပရင်းနှီးမြှုပ်နှံမှုကို အား ပေးအားမြှောက်ပြုရန်အတွက် တရားဝင်မြေယာဈေးကွက်များကိုပါ ဖန်တီးခဲ့ကြသည်။ ဤအပြောင်းအလဲများ သည် စိုက်ပျိုးမြေများအပေါ် မှီခိုအားထား၍ အသက်မွေးဝမ်းကျောင်းလုပ်ငန်းများအတွက် သစ်တောများကို အမှီသဟဲပြုနေကြသည့် မြန်မာနိုင်ငံရှိ လူထုလူတန်းစားအများစု၏ စားနပ်ရိက္ခာနှင့် မြေယာလုပ်ပိုင်ခွင့်ကို အာမ ခံချက် ကင်းမဲ့သွားစေသဖြင့် စိုးရိမ်ပူပန်မှုများ အထူးတလည်မြင့်တက်လာစေသည်။

Pa-O farmers in Shan State Slider
Pa-O farmers in Shan State / Photo credit Tom Kramer

၂၀၁၂ ခုနှစ် မြေယာဥပဒေများသည် ကုန်းမြင့်တောင်တန်းဒေသများ၌ ရွှေ့ပြောင်းတောင်ယာကို အစဉ်အဆက် စိုက်ပျိုးလာခဲ့ကြပြီး နိုင်ငံသားစိစစ်ရေးကဒ်ပင်မရှိကြဘဲ အနည်းအကျဉ်းခန့်သာ မြေယာဆိုင်ရာ တရားဝင်စာ ရွက်အထောက်အထားရှိသည့် တိုင်းရင်းသားနယ်မြေများ၌ ကျင့်သုံးလျက်ရှိသည့် မြေယာလုပ်ပိုင်ခွင့်အခင်းအ ကျင်းကို ထည့်သွင်းစဉ်းစားထားခြင်းမရှိပေ။ ထို့အပြင် ဥပဒေသစ်များသည် ဓလေ့ထုံးတမ်းဆိုင်ရာနှင့် စုပေါင်း မြေယာအခွင့်အရေးများကို လုံးဝအသိအမှတ်ပြုထားခြင်းမရှိပေ။ ဆယ်စုနှစ်ပေါင်းများစွာ ဖြစ်ပွားလာခဲ့သည့် လက်နက်ကိုင်ပဋိပက္ခနှင့် စီးပွားရေးလုပ်ပိုင်ခွင့်မရရှိခဲ့ကြသဖြင့် မိမိတို့၏ ဘိုးဘွားပိုင်မြေများမှ စွန့်ခွာခဲ့ကြရ သည့် သိန်းပေါင်းများစွာသော တိုင်းရင်းသူတိုင်းရင်းသားများ၏ နေရပ်ပြန်ခွင့်အခွင့်အရေးကိုပင်လျှင် ထည့် သွင်းစဉ်းစားပေးထားခြင်းမရှိပေ။ နောက်ဆက်တွဲအနေဖြင့် ဥပဒေသစ်များသည် မြန်မာနိုင်ငံလူဦးရေ၏ သုံးပုံ နှစ်ပုံကျော်သည့် လက်လုပ်လက်စားတောင်သူများကိုချနှင်း၍ ပုဂ္ဂလိကကဏ္ဍ အထူးသဖြင့် အကြီးစား နိုင်ငံခြားရင်းနှီးမြှုပ်နှံသူများကိုသာလျှင် အလုံးစုံအကျိုးခံစားခွင့်ပြုထားသကဲ့သို့ဖြစ်လာသည်။

မြန်မာနိုင်ငံရှိ တောင်သူများအပေါ် တိုက်ခိုက်မှုကို အဆုံးသတ်ခြင်း - ဓလေ့ထုံးတမ်းဆိုင်ရာ မြေယာလုပ်ပိုင်ခွင့် စနစ်များကို ကျင့်သုံးခြင်းသည် ဖက်ဒရယ်သဘောတရားကို ကျင့်သုံးခြင်းဖြစ်သည်။

ခွန်ဦး၊ပအိုးဝ်လူငယ်အဖွဲ့အစည်း (PYO)

မြန်မာနိုင်ငံ၏ ပြုပြင်ပြောင်းလဲရေးလုပ်ငန်းစဉ်နှင့် ငြိမ်းချမ်းရေးဟုခေါ်သည့် လုပ်ငန်းစဉ်တို့ကို စတင်လိုက်က တည်းက တောင်သူလယ်သမားများကို ရာဇ၀တ်ကြောင်းအရ အရေးယူပြစ်ဒဏ်ပေးမှု ဆထက်ထမ်းပိုးမြင့် တက်လာခဲ့သည့်အပြင် ၎င်းတို့၏မြေယာများကို ‘ဖွံ့ဖြိုးတိုးတက်ရေး’အကြောင်းပြချက်ဖြင့် စစ်တပ်နှင့် ၎င်းတို့၏လက်ဝေခံ ခရိုနီများက လုယူသွားခဲ့ကြသဖြင့် တောင်သူလယ်သမားအများအပြားသည် ပြည်တွင်းနေရပ်စွန့်ခွာ ရွှေ့ပြောင်းနေထိုင်ရသူများဖြစ်လာခဲ့ကြသည်။ အစိုးရ၏ ဖွံ့ဖြိုးတိုးတက်ရေးဆိုင်ရာ အမြင်သဘောထားများ သည် နိုင်ငံလူဦးရေ၏ ၇၀%ကို ကိုယ်စားပြုပြီး အမှန်တကယ်နိုင်ငံကို ခေါင်းဆောင်သင့်သည့် တောင်သူလယ် သမားထု၏ အမြင်နှင့် ပြဒါးတစ်လမ်း သံတစ်လမ်းဖြစ်နေသည်။ အစိုးရသည် နိုင်ငံခြားရင်းနှီးမြှုပ်နှံမှုများကို အားပေးမြှင့်တင်၍ အကာအကွယ်ပေးရန်အတွက် လူထုလူတန်းစားများကို ၎င်းတို့၏ ဘိုးဘွားပိုင်မြေများမှ မောင်းထုတ်လျက်ရှိသည်။

တောင်သူလယ်သမားများသည် လူ့ဘောင်အသိုက်အ၀န်းတစ်ရပ်လုံးကို ကျွေးမွေး ထောက်ပံ့ရန်အတွက် မျိုးဆက်တစ်ဆက်ပြီးတစ်ဆက် မိမိတို့၏ဘ၀များကို မြေယာ၌ ရင်းနှီးမြှုပ်နှံခဲ့ကြသူများ ဖြစ်သည်။ ရပ်ရွာအသိုက်အ၀န်းတစ်ရပ်လုံး၏ အသက်ရှင်ရပ်တည်မှုနှင့် အသက်မွေးဝမ်းကျောင်းလုပ်ငန်းများ ပျက်စီးပျောက်ကွယ်လုနီးပါး ဖြစ်လာလျက်ရှိသည်။ တောင်သူလယ်သမားများသည်လည်း ကျွန်တစ်ပိုင်းဖြစ်လာ ခဲ့သည်။

မိမိတို့၏ အသက်မွေးဝမ်းကျောင်းလုပ်ငန်းများကို အေးအေးချမ်းချမ်းမျှဝေသုံးစွဲ၍ စီမံခန့်ခွဲရန်အတွက် မြေ၊ သစ်တောနှင့် သဘာဝပတ်ဝန်းကျင်ကို မည်ကဲ့သို့ ထိန်းသိမ်းပြုစုရမည်ဖြစ်ကြောင်း တောင်သူလယ်သမားများ ကောင်းစွာသိမြင်နားလည်ကြသည်။ တောင်သူလယ်သမားများသည် မိမိတို့၏ ဓလေ့ထုံးတမ်းဆိုင်ရာ အလေ့ အထများမှတစ်ဆင့် မြေယာအသုံးပြုမှု၊ သယံဇာတအရင်းအမြစ် စီမံခန့်ခွဲမှု၊ အကျိုးအမြတ်ခွဲဝေမှုနှင့် ဆုံးဖြတ် ချက်ချမှတ်ရာ၌ ဆရာကျသည့် ပညာရှင်များဖြစ်ကြသည်။

အစိုးရက မြေယာသည် အလွန်အရေးကြီးသည် ‘လူထုသည်သာအင်အား’ဖြစ်သည်ဟု အမြဲတမ်းလိုလိုပြောဆို လေ့ရှိသော်လည်း ဆန့်ကျင်ဘက်သာ ပြုမူဆောင်ရွက်လေ့ရှိသည်။ လူထုကို အကာအကွယ်ပေးရန် ကတိများ ပေးခဲ့ကြသော်လည်း ယင်းကတိက၀တ်များကို အလေးအနက်ထား ဖော်ဆောင်မှုမရှိပေ။ လက်ရှိငြိမ်းချမ်းရေး လုပ်ငန်းစဉ်သည်လည်း တောင်သူများအတွက် ငြိမ်းချမ်းမှုကို ဆောင်ကျဉ်းမပေးနိုင်ခဲ့ပေ။ ယင်းအစား စစ်တပ်မှ မြေယာများကို လုယူ၍ ထိန်းချုပ်စီမံလျက်ရှိပြီး အစိုးရနှင့် ရင်းနှီးမြှုပ်နှံသူများကလည်း စစ်တပ်နှင့် ပလဲနံပသင့် သူများသာဖြစ်သဖြင့် မြေယာကို အလေးထားချစ်ခင်တန်ဘိုးထား၍ မည်ကဲ့သို့ ကာကွယ်စောင့်ရှောက်ရမှန်း နကန်းတစ်လုံးမျှ သိရှိသူများမဟုတ်သောကြောင့် တောင်သူများအတွက် ကပ်သစ်ဆိုက်သည့်ခေတ်ဟုပင် ခေါ်ဆိုထိုက်ပေသည်။ ၎င်းတို့အနေဖြင့် မြေကိုအကြောင်းပြု၍ အကျိုးအမြတ်ဖန်တီးရယူရန်နှင့် ဆက်လက်ဆုပ် ကိုင်ထားခြင်းဖြင့် မိမိတို့၏ သြဇာအာဏာကို တည်ဆောက်ရန်သာ စိတ်ဝင်စားကြသူများဖြစ်သည်။

တောင်သူများသည် မိမိတို့၏ မြေနှင့် အသက်မွေးဝမ်းကျောင်းလုပ်ငန်းများနှင့် ပတ်သက်၍ ဝေဖန်ပိုင်းခြားနိုင် သည့် စွမ်းရည်ရှိသူများဖြစ်သည်။ ဓလေ့ထုံးတမ်းစနစ်များသည် မျိုးဆက်ပေါင်းများစွာကို ကျွေးမွေးထောက်ပံ့၍ နိုင်ငံအေးချမ်းစွာ ဖွံ့ဖြိုးတိုးတက်လာစေရန် အထောက်အကူပြုနိုင်ပါသည်။ သို့ဖြစ်၍ နိုင်ငံအတွင်းရှိ မြေယာ အရေးကိစ္စအ၀၀ တည်ငြိမ်အေးချမ်းစေလိုပါက တောင်သူများကို ဦးဆောင်ဖန်တီးခွင့်ပြုလိုက်ရန်သာ လိုအပ်ပါ သည်။ တောင်သူများသည် ဤကဲ့သို့သော အရေးကိစ္စမျိုး၌ ကျွမ်းကျင်နှံ့စပ်၍ ဆရာကျသူများဖြစ်သည်။ တောင်သူများသည် မိမိတို့၏ ဘိုးဘွားပိုင်မြေအပေါ် မည်သည့်ပြဿနာမျှ ကြုံတွေ့ခဲ့ရခြင်းမရှိဘဲ မျိုးရိုးအစဉ် အဆက် လက်ဆင့်ကမ်းနေထိုင်လာခဲ့ကြသူများဖြစ်သည်။ ကျွန်ုပ်တို့၏ ဓလေ့ထုံးတမ်းအလေ့အထများသည် ကမ္ဘာ့အကောင်းဆုံး စနစ်များပင်ဖြစ်သည်။ အချို့သောသူများက အဘယ်ကြောင့် မရေမရာဖြင့် ရှုပ်ထွေးနေရ သနည်း။ ဤမေးခွန်းကို ဖြေရမည်ဆိုလျှင် ၎င်းတို့အနေဖြင့် ဓလေ့ထုံးတမ်းစနစ်ကို မသိရှိ၍ သို့မဟုတ် နားလည် သဘောပေါက်ခြင်းမရှိ၍ဖြစ်သည်။ ဓလေ့ထုံးတမ်းစနစ်သည် မျိုးဆက်ပေါင်းများစွာကို ဆက်လက်ကျွေးမွေး ထောက်ပံ့၍ မြေဆီလွှာအရည်အသွေးနှင့် သဘာဝပတ်ဝန်းကျင်ကို ထိန်းသိမ်းစောင့်ရှောက်ကာ ကျွန်ုပ်တို့၏ ရိုးရာအစဉ်အလာနှင့် ယဉ်ကျေးမှုများကို ဆက်လက်ဖန်တီး၍ ထိန်းသိမ်းပေးနေပါလိမ့်မည်။ ထို့ကြောင့် မြေယာ မူဝါဒနှင့် မြေယာဥပဒေများအတွက် တောင်သူများသည်သာလျှင် ဆုံးဖြတ်ခွင့်ရှိသင့်သည်။

ယခင်က မြန်မာနိုင်ငံဟူ၍ မရှိခဲ့ဘဲ နောက်ပိုင်းမှသာ လွတ်လပ်သည့် တိုင်းရင်းသားပြည်နယ်များ စုစည်းပေါင်း စပ်ပြီးမှသာ ယနေ့ပြည်ထောင်စုမြန်မာနိုင်ငံတော် ဖြစ်ပေါ်လာခဲ့ခြင်းဖြစ်သည်။ မြန်မာနိုင်ငံအနေဖြင့် မပေါင်း စည်းမီ ပြည်နယ်တိုင်း၌ ကိုယ်ပိုင်အချုပ်အခြာအာဏာရှိခဲ့သည်။ မြန်မာနိုင်ငံအဖြစ် ထူထောင်ဖွဲ့စည်းခဲ့ခြင်း သည် နိုင်ငံတစ်နိုင်ငံအဖြစ် အာဏာကို ခွဲဝေသုံးစွဲရန် ပြင်ဆင်ခဲ့သည့် လုပ်ဆောင်ချက်တစ်ရပ်သာဖြစ် သည်။ သို့သော်လည်း ၂၀၀၈ ခုနှစ် ဖွဲ့စည်းပုံအခြေခံဥပဒေအရ အာဏာသည် တပ်ပိုင်ပစ္စည်းကဲ့သို့ ဖြစ်သွားခဲ့သည်။ ဖွဲ့စည်းပုံအခြေခံဥပဒေပေါ်လာပြီးနောက်ပိုင်း တိုင်းရင်းသားမျိုးနွယ်စုများသည် လက်ဝေခံကျွန်သဘောက်များ ဖြစ်လာခဲ့ပြီး စစ်တပ်သည်သာ အရှင်သခင်ကဲ့သို့ ဖြစ်လာခဲ့သည်။

သို့ဖြစ်၍ ဤပြဿနာကို ဖြေရှင်းလိုပါက မြေယာပိုင်ဆိုင်မှု၊ ဆုံးဖြတ်ချက်ချမှတ်ရေးအာဏာနှင့် စီမံခန့်ခွဲရေးအာ ဏာတို့သည် တောင်သူလယ်သမားများ၏ လက်ဝယ်တွင်ရှိရန်လိုအပ်ပြီး ပြည်နယ်အဆင့်ထိန်းချုပ်စီမံပိုင်ခွင့်ရှိ ရန် လိုအပ်သည်။ ပြည်နယ်များသည် အချုပ်အခြာအာဏာပိုင်သူများဖြစ်ပြီး ပြည်ထောင်စုအာဏာကို ပြည်နယ် များက အပ်နှင်းပေးထားခြင်းသာဖြစ်သဖြင့် ပြည်ထောင်စုမှ အတင်းအကျပ်လုယူအပိုင်စီး၍မရပေ။ မြေနှင့် ဆက်စပ်သယံဇာတအရင်းအမြစ် စီမံခန့်ခွဲရေး အာဏာများကိုလည်း အောက်ခြေမှအထက်သို့ တက်သည့်ပုံစံ ဖြင့် ဖွဲ့စည်းတည်ဆောက်ထားမှသာလျှင် ဖက်ဒရယ်ပြည်ထောင်စုဟု ခေါ်ဆိုနိုင်မည်ဖြစ်သည်။ ဓလေ့ထုံးတမ်း ဆိုင်ရာ မြေယာစီမံခန့်ခွဲမှုသည် ဖက်ဒရယ်သဘောတရားကို လက်တွေ့ကျင့်သုံးခြင်းဖြစ်သောကြောင့် ငြိမ်းချမ်း သည့် အာဏာခွဲဝေသုံးစွဲမှုကို အာမခံပေးနိုင်သည်။

လက်ရှိအစိုးရသည် ရင်းနှီးမြှုပ်နှံမှုနှင့် ဖွံ့ဖြိုးတိုးတက်ရေးကိုသာ အလေးထားလျက်ရှိသဖြင့် ကျွန်ုပ်တို့တောင် သူများသည် ကျွန်သဘောက်များဖြစ်လာနေသဖြင့် တောင်သူများကို ကျွန်ပြုခြင်းသည် နိုင်ငံကိုကျွန်ပြုခြင်း လည်း မည်ပေသည်။ ပထမကမ္ဘာစစ်နှင့် ဒုတိယကမ္ဘာစစ်အတွင်း ရေခြားမြေခြားနိုင်ငံများက နယ်မြေသစ်များ ကို သိမ်းပိုက်နယ်ချဲ့ခဲ့ကြရာဝယ် တောင်သူများသည် ရရာလက်နက်စွဲကိုင်၍ တော်လှန်ခဲ့ကြသူများဖြစ်သည်။ မျက်မှောက်ခောတ် တောင်သူများသည်လည်း တတိယကမ္ဘာစစ်ကို ရင်ဆိုင်ကြုံတွေ့နေရသည်။ တောင်သူများ ၏ အိုးအိမ်များကို ပြန်လည်ပေးအပ်ပါ။ တောင်သူများ၏ မြေယာများကို ပြန်လည်အပ်နှံပေး၍ ဓလေ့ထုံးတမ်း အလေ့အထများကို အသိအမှတ်ပြုပါ။

ပေးစာတစ်စောင်

လေးစားရပါသော ရင်းနှီးမြှုပ်နှံသူခင်ဗျား -

ကျနော့်မှာ မိသားစုဝင် ၁၁ ယောက်ရှိပါတယ်။ တစ်မိသားစုလုံးက ကျနော့်အပေါ် မှီခိုပြီးအသက်ဆက်နေရတာ ပါ။ ကျနော့်ရဲ့ မိသားစုကို ကျွေးမွေးဖို့ ကလေးတွေကို ကျောင်းထားနိုင်ဖို့ ကျနော်နေ့တိုင်း အလုပ်ကိုကြိုးကြိုး စားစား အလုပ်လုပ်ပါတယ်။ ကျနော့်သမီးလေးနှစ်ယောက် အခုဖျားနာနေတဲ့အတွက် ဆေးခန်းပြဖို့လိုလာတဲ့အ တွက် ကျနော်အလုပ်ကို ပိုကြိုးစားပြီးလုပ်ပါတယ်။ ဒါပေမဲ့ ခင်ဗျားကျနော့်မြေတွေကို ယူသွားကတည်းက ကျ နော်အလုပ်မရှိ အကိုင်မရှိဖြစ်ခဲ့ရပါတယ်။

ခင်ဗျားရဲ့ ကုမ္ပဏီဝင်လာပြီး ကျနော့်မြေတွေကို သိမ်းသွားတုန်းက ချမ်းသာပေးဖို့ ကျနော်အနူးအညွတ်တောင်း ပန်ခဲ့ပါတယ်။ “မပေးနိုင်ဘူး”လို့လဲ ကျနော်အပြတ်ပြောခဲ့ပါတယ်။ ဒါပေမဲ့ ခင်ဗျားကြည့်ရတာ “မပေးနိုင်ဘူး”ဆို တဲ့ စကားလုံးကို နားလည်ပုံမရတဲ့ ခင်ဗျားက ကျနော့်မိသားစုကို လေးရက်စာလောက် ကျွေးမွေးဖို့ထောက်ပံ့ ပေးရုံနဲ့ လုံလောက်ပြီလို့မှတ်ပြီးတော့ ကျုပ်မြေကို သိမ်းသွားခဲ့ပါတယ်။

အဲဒါလေးနဲ့ ကျနော့်မိသားစု ဘယ်လိုအသက်ဆက်နိုင်မလဲ။ ခင်ဗျားဗျာ မစို့မပို့ငွေလေးပေးပြီး ကျနော်တို့ရဲ့ ဘ၀တစ်ခုလုံးကို ရစရာမရှိအောင် ဖျက်ဆီးသွားရက်တယ်။ ကျနော် ဘာတတ်နိုင်မှာလဲဗျာ …. ?

အဲဒီလို မစို့မပို့ငွေလျော်ကြေးလေးပေးပြီး ခင်ဗျားရဲ့ မိသားစုကို ကျနော်လာဖျက်ဆီးလို့ရမလား။ ရတယ်လို့ ခင်ဗျားပြောမှာလားဗျာ။ ခင်ဗျားကတော့ “မရဘူး”လို့ပဲ ပြောမှာမယ်မှန်း ကျနော်သိပါတယ်။ အဲဒီလိုကြုံလာမှ သာ တောင်သူတွေပြောတဲ့ “မပေးနိုင်ဘူး”ဆိုတဲ့စကားလုံးကို ခင်ဗျားနားလည်ဖြစ်တော့မယ်ထင်ပါရဲ့။

လေးစားစွာဖြင့်
တောင်သူတစ်ဦး

မြေယာသည် တိုင်းရင်းသားများအတွက် အသက်သွေးကြောဖြစ်သဖြင့် မိမိတို့၏ ဓလေ့ထုံးတမ်းလာ မြေယာ များကို မိမိတို့ကိုယ်တိုင် စီမံပိုင်ခွင့်ရှိရမည်။

ခွန်ကောင်း၊ ပအိုးဝ်လူငယ်အဖွဲ့အစည်း (PYO)

မြန်မာနိုင်ငံ၌ ငြိမ်းချမ်းရေးလုပ်ငန်းစဉ်နှင့် ပတ်သက်၍ လူပြောသူပြောများသော်လည်း မြေယာအရေးကိစ္စအ ပေါ် နားလည်သဘောပေါက်မှု နည်းပါးကြသည်။ မြေယာအရေးကိစ္စများသည် ငြိမ်းချမ်းရေးလုပ်ငန်းစဉ်နှင့် ထဲ ထဲဝင်ဝင်ဆက်နွယ် ပတ်သက်လျက်ရှိသည်။ တိုင်းရင်းသားနယ်မြေဒေသများရှိ နယ်ခံလူထုလူတန်းစားများက မိမိတို့၏ ရိုးရာနှင့် ဓလေ့ထုံးတမ်းဆိုင်ရာ မြေယာအခွင့်အရေးများအပါအ၀င် ၎င်းတို့၏ ရပိုင်ခွင့်အခွင့်အရေး များကို ဖြည့်ဆည်းဆောင်ရွက်ပေးရန် တောင်းဆိုလျက်ရှိသည်။ ငြိမ်းချမ်းရေးလုပ်ငန်းစဉ်အတွင်း မြေယာအရေး ကိစ္စများကို ဆွေးနွေးအဖြေရှာပေးရန်လည်း လိုလားတောင့်တနေကြသည်။

တိုင်းရင်းသားနယ်မြေများရှိ နယ်ခံလူထုလူတန်းစားများသည် တပ်မတော်၊ သစ်တောဦးစီးဌာန၊ ကုမ္ပဏီများ၊ တပ်မတော် ကျောထောက်နောက်ခံပြုထားသည့် ပြည်သူ့စစ်တပ်ဖွဲ့များနှင့် အစိုးရနှင့်နီးစပ်သည့် အဖွဲ့အစည်း ပေါင်းစုံ၏မြေယာသိမ်းဆည်းမှုများကို ခါးစည်းခံနေကြရသည်။ အဆိုပါအဖွဲ့အစည်းများက တည်ဆဲမြေယာ ဥပဒေများကို အသုံးပြု၍ သိမ်းဆည်းခဲ့ကြပြီး မူလပိုင်ရှင်များထံ ပြန်လည်အပ်နှံပေးရန် အကြောင်း ဖန်လာခဲ့ လျှင်ပင် စစ်မှန်သည့်ပိုင်ရှင်များကို ပြန်လည်ပေးအပ်ခြင်းမရှိဘဲ အခြားသူများထံသို့ လွှဲပြောင်းပေးခဲ့ကြသည်။ မြေယာသိမ်းဆည်းသည့် အကြောင်းရင်းများ၌ အကြီးစားစီးပွားဖြစ်စက်မှုသီးနှံစိုက်ခင်းများ ထူထောင်ရန်၊ တပ်စ ခန်းများတိုးချဲ့ရန်၊ သစ်တောနှင့် မြေအောက်သယံဇာတကဲ့သို့သော သဘာဝသယံဇာတအရင်းအမြစ်များကို လက်ဝါးကြီးအုပ်သိမ်းပိုက်ရန်၊ အခြေခံအဆောက်အအုံနှင့် အကြီးစားရေအားလျှပ်စစ်စီမံကိန်းများ ပါဝင်လျက်ရှိ သည်။ အချို့သော နယ်မြေဒေသများ၌ မြေယာကိုသာမက ရေကိုပါ လုယူလျက်ရှိသည်။ သတ္တုသယံဇာတ တူးဖော်ရေးအတွက် မြေယာသိမ်းဆည်းမှုသည် ရပ်ရွာလူထုများ၏ ရေမြေများကို ထိခိုကပျက်စီးစေရုံမျှမက ဒေ သတွင်းသဘာဝပတ်ဝန်းကျင်ကိုပါ ထိခိုက်ပျက်စီးစေလျက်ရှိသည့်အပြင်မကြာခဏဆိုသလို ဒေသတွင်းရေချို ရင်းမြစ်များကိုပါ အဆိပ်သင့်ပျက်စီးသွားစေလျက်ရှိသည်။

ဗဟိုအစိုးရ၏ တည်ဆဲဥပဒေများ၌ နယ်ခံရပ်ရွာလူထုများ၏ ရေမြေများကို အကာအကွယ်ပေးထားခြင်းမရှိပေ။ အချို့ဒေသများ၌ မိမိတို့၏ မြေယာများကို ဥပဒေအရ တရားဝင်မှတ်ပုံတင်၍ အကာအကွယ်ယူရန် ကြိုးပမ်းနေ ကြသည်။ သို့သော်လည်း ကျွန်ုပ်တို့၏ အတွေ့အကြုံအရ တရားဝင်စာရွက်စာတမ်း အထောက်အထားများ လက်ဝယ်ရှိထားလျှင်ပင် မြေယာသိမ်းဆည်းခံရမည်သာဖြစ်သည်။ တရားဝင်ခွင့်ပြုချက် ရှိသည်ဖြစ်စေ မရှိသည် ဖြစ်စေ မြေယာသိမ်းဆည်းမှုများကို ဆက်လက်ကျူးလွန်နေကြဆဲဖြစ်သည်။

ရပ်ရွာတွင်းရှိ မြေယာအမျိုးမျိုးကို စီမံခန့်ခွဲရန် ကျင့်သုံးလျက်ရှိသည့် တိုင်းရင်းသားများ၏ ဓလေ့ထုံးတမ်း ဆိုင်ရာဥပဒေများကို အစိုးရမှ အသိအမှတ်ပြုခြင်းမရှိသည့်အပြင် လက်ရှိမြေယာဥပဒေများကို အသုံးချ၍ လူ ထုလူတန်းစားများ၏ မြေယာများကို လုယူကာ ရင်းနှီးမြှုပ်နှံသူများကို လွှဲပြောင်းပေးအပ်လျက်ရှိသည်။ တစ်ခါ တစ်ရံ အစိုးရမှ သိမ်းဆည်းမြေများကို ပြန်လည်စွန့်လွှတ်ကြောင်း ထုတ်ပြန်ကြေညာလေ့ရှိသော်လည်း မူလ ပိုင်ရှင်အစစ်အမှန်များ၏ လက်ထဲသို့ မည်သည့်အခါကမျှ ပြန်လည်အပ်နှံပေးခဲ့ခြင်းမရှိပေ။ မြေယာပြန်လည်ခွဲ ဝေနေရာချထားရန် ဆုံးဖြတ်သည့်အခါတိုင်း အကျင့်ပျက်ခြစားသည့် အစိုးရ၀န်ထမ်းများက ကုမ္ပဏီများကိုသာ အကျိုးအမြတ်ရရှိသွားစေသည်။

တိုင်းရင်းသားများအတွက် မြေသည် အသက်တမျှအရေးကြီးသည်။ အစဉ်အလာအရ ကျွန်ုပ်တို့ရပ်ရွာအတွင်းရှိ မြေများအားလုံးကို ကျွန်ုပ်တို့တိုင်းရင်းသားများသာ ပိုင်ဆိုင်မှုရှိသည်။ သို့ဖြစ်၍ တိုင်းရင်းသားလူထုအနေဖြင့် အဆိုပါမြေယာများအားလုံးသာမက ယင်းတို့နှင့်ဆက်စပ်လျက်ရှိသည့် သယံဇာတအရင်းအမြစ်များအားလုံးကို ပါ ဓလေ့ထုံးတမ်းစနစ်များဖြင့် ထိန်းချုပ်စီမံပိုင်ခွင့်ရှိရမည်။ တိုင်းရင်းသားနယ်မြေဒေသများရှိ မြေယာနှင့် ဆက် စပ်သယံဇာတအရင်းအမြစ်များနှင့် ပတ်သက်သည့် အစိုးရ၏ မူဝါဒများသည် တိုင်းရင်သားလူထုလူတန်းစား များ၏ ဓလေ့ထုံးတမ်းဆိုင်ရာ အလေ့အထများအပေါ် အသိအမှတ်ပြု၍ အခြေခံရန်လိုအပ်သည်။ မြေယာ ပိုင်ဆိုင်မှုအခွင့်အရေး၊ စီမံခန့်ခွဲပိုင်ခွင့် အခွင့်အရေးနှင့် မြေယာမှအကျိုးအမြတ်ဖော်ထုတ်ခံစားပိုင်ခွင့်တို့ အပါ အ၀င် ဓလေ့ထုံးတမ်းဆိုင်ရာ မြေယာအသုံးပြုမှုပုံစံများကို အစိုးရ၏ မြေယာမူဝါဒများ၊ ဥပဒေများနှင့် လုပ်ထုံး လုပ်နည်းများအတွင်း ထည့်သွင်းပြဋ္ဌာန်းထားရမည်။ အဆိုပါပြဋ္ဌာန်းချက်များသည် တိုင်းရင်းသားလူထုလူတန်း စားများနှင့် ၎င်းတို့၏မြေယာများကို အကာအကွယ်ပေးရမည်။ အစိုးရအနေဖြင့် သိမ်းဆည်းမြေများကို စစ်မှန် သည့် မူလပိုင်ရှင်များထံသို့ ပွင့်လင်းမြင်သာစွာဖြင့်

ပြန်လည်အပ်နှံပေးရမည်။မူလတိုင်းရင်းသားမြေပိုင်ရှင်များနှင့် သုံးစွဲသူများအား ညှိနှိုင်းတိုင်ပင်မှုမပြုဘဲ ကုမ္ပဏီများအား မည်သည့်စီမံကိန်းကိုမျှ လက်လွတ်စပယ် အ ကောင်အထည်ဖော်ရန် ခွင့်မပြုသင့်ပေ။ တိုင်းရင်းသားနယ်မြေဒေသများ၌ စီမံကိန်းများကို အကောင်အထည် ဖော်လိုသည့် ကုမ္ပဏီများအနေဖြင့် တိုင်းရင်းသားလူထုလူတန်းစားများ၏ ဆုံးဖြတ်ချက်များနှင့် အကြံပြုထောက် ခံချက်များကို လေးစားလိုက်နာရမည်။ အမျိုးသမီးနှင့် အမျိုးသားများအားလုံး မြေယာနှင့်ပတ်သက်၍ တန်းတူအခွင့်အရေးရှိရမည်။

NLD အစိုးရအနေဖြင့် ၂၁ ရာစု ပင်လုံပြည်ထောင်စုငြိမ်းချမ်းရေးညီလာခံ၌ မြေနှင့် ဆက်စပ်သယံဇာတအရင်း အမြစ်များအပေါ် ဆွေးနွေးတိုင်ပင်ခွင့်ပြုရန်လိုအပ်သကဲ့သို့ အားလုံးပူးပေါင်းပါဝင်နိုင်သည့် ညီလာခံ အခင်းအ ကျင်းမျိုးဖြစ်အောင် ဆောင်ရွက်ပေးရန်လိုအပ်ပါလိမ့်မည်။ ညီလာခံတက်ရောက်လာသူများအနေဖြင့် ၂၀၀၈ ခုနှစ် ဖွဲ့စည်းပုံအခြေခံဥပဒေကို မြေယာအခွင့်အရေးအပါအ၀င် တိုင်းရင်းသားလူထုလူတန်းစားများ၏ အခွင့် အရေးများကို အသိအမှတ်ပြု အကာအကွယ်ပေး၍ အားပေးအားမြှောက်ပြုသည့် ဥပဒေအခင်းအကျင်းမျိုး ဖြစ်စေမည့် ပြုပြင်ပြောင်းလဲရေးကို ဆွေးနွေးအဖြေရှာသင့်သည်။ ထို့အပြင် ကျွန်ုပ်တို့အပေါ် ရိုက်ခတ်လာမည့် မည်သည့်မြေနှင့် ဆက်စပ်သယံဇာတအရင်းအမြစ်ဆိုင်ရာ ဥပဒေကိုမျှ အတည်မပြုမီ အရေးကြီးသည့် ဤကိစ္စ ရပ်မျိုးကိုလွှတ်တော်သို့ အဆိုပြုတင်ပြရန် အမြန်ဆုံးစည်းရုံးဆော်သြသင့်သည်။

ရှမ်းပြည်နယ်မြောက်ပိုင်း၊ တောင်ပိုင်းနှင့် အရှေ့ပိုင်းဒေသများ၌ နေထိုင်လျက်ရှိသည့် ရှမ်း၊ ကချင်၊ တအာန်း၊ ပအိုးဝ်၊ လားဟူ၊ အခါ၊ ဓနု၊ လီဆူ၊ ၀၊ ဗမာ၊ တောင်ရိုး၊ ယင်းနက်ယင်းကျား တိုင်းရင်းသားမျိုးနွယ်စုများမှ ကိုယ် စားလှယ်ပေါင်း ၁၃၅ ဦးသည် ဓလေ့ထုံးတမ်းဆိုင်ရာ မြေယာအရေးကိစ္စများကို အတူတကွဆွေးနွေး အဖြေရှာ ခဲ့ကြပါသည်။ ထို့နောက် ကျွန်ုပ်တို့အားလုံးအတွက် အလွန်အရေးပါ၍လာမည့်အနာဂတ် ဖက်ဒရယ်မြန်မာနိုင်ငံ တော် တည်ဆောက်ရာတွင်လည်း များစွာအထောက်အကူပြုမည်ဟု လက်ခံယုံကြည်ထားသည့် သဘောထားကြေညာချက်တစ်စောင်ကို အတူတကွဝိုင်းဝန်းပြုစုခဲ့ကြပါသည်။ မြေယာအရေးကိစ္စအတွက် မှန်ကန်သည့် ဖြေ ရှင်းရေးနည်းလမ်းကို ရှာဖွေဖော်ထုတ်နိုင်မှသာလျှင် စစ်မှန်သည့်ငြိမ်းချမ်းရေးကို ရရှိနိုင်မည်ဖြစ်သည်။ မြေယာ အရေးကိစ္စကို တရားသဖြင့် မျှမျှတတဖြေရှင်းလိုပါက ရပ်ရွာလူထုအား ၎င်းတို့ပိုင် မြေယာအပေါ် ဆုံးဖြတ်ပိုင် ခွင့်၊ စီမံခန့်ခွဲပိုင်ခွင့်နှင့် အကျိုးခံစားပိုင်ခွင့်ရှိအောင် အာမခံပေးရန်လိုအပ်ပါသည်။