အယူအမြင် ထောင်ချောက် မြန်မာနိုင်ငံအပေါ် ဖွံ့ဖြိုးရေး အင်အားစုများ၏ ချုပ်ကိုင်လမ်းကြောင်းမှုနှင့် လွတ်မြောက်နိုင်မည့် နည်းလမ်းများ

အစီရင်ခံစာအကျဉ်း

ဤအစီရင်ခံစာတွင် အခြားရွေးချယ်စရာ ပါရာဒိုင်းတစ်ခု အကြောင်းကို ရှင်းလင်းတင်ပြခြင်း မပြုမီ မြန်မာနိုင်ငံ၏ အတိတ် ကာလ စီးပွားရေးအကြောင်းနှင့် လက်ရှိပါရာဒိုင်း အောက်မှ မြန်မာ့စီးပွားရေး၏ ဦးတည်ချက်လားရာတို့ကို ဆွေးနွေးတင်ပြ ထားသည်။ မြေယာနှင့် စိုက်ပျိုးရေးအပိုင်းဖြင့် နိဒါန်းချီထားသော ဤအစီရင်ခံစာတွင် စစ်အုပ်ချုပ်ရေး ကာလအတွင်း စိုက်ပျိုးရေး ပိုလျှံထုတ်ကုန်များကို ဆွဲထုတ် သိမ်းယူခြင်းနှင့် မြေယာ အကြီးအကျယ်သိမ်းယူခြင်းတို့ ပေါင်းစပ်ကာ ဆင်းရဲဒုက္ခများ ပြည့်နှက်နေပြီး တိုးတက်မှု တုံ့ဆိုင်းနေသည့်စိုက်ပျိုးရေးကဏ္ဍ တစ်ရပ်အား မည်သို့မည်ပုံ ဖန်တီးခဲ့သည်ကို ဆွေးနွေးတင်ပြ ထားသည်။ ထို့နောက် နိုင်ငံတကာ အဖွဲ့အစည်းများက အကောင်အထည်ဖော် ဆောင်ရွက်ရန် ရည်ရွယ်ထားသည့် စိုက်ပျိုးရေး ဖွံ့ဖြိုးတိုးတက်မှု မဟာဗျူဟာ (Agriculture Development Strategy (ADS)) သည် မြန်မာနိုင်ငံအား “တန်ဖိုးကွင်းဆက် (Value chain)” ဟူ၍ လှလှပပခေါ်ဝေါ် သုံးနှုန်းထားသော စိုက်ပျိုးရေးနှင့် သဘာဝ သယံဇာတများ အမြတ်ထုတ်ရယူရေး ဒေသတွင်းလုပ်ငန်းစဉ်တစ်ရပ်အတွင်း
သို့ ထည့်သွင်းကာ “ပြည်သူတုိ့၏ လက်လွတ် ဆုံးရှုံးရမှုများဖြင့် ဥစ္စာရင်းမြစ် စုမိလာခြင်း" (Accumulation by disposses- sion)” ကိုသာ ဆက်လက်ဖော်ဆောင်သွားမည် ဖြစ်ကြောင်း ဆွေးနွေးတင်ပြထားသည်။ 

အတင်းအကျပ်အင်အားသုံး လုပ်ဆောင်ခြင်းနှင့် ဈေးကွက်စနစ် ယန္တယားများတို့ကို ဆိုးဆိုးဝါးဝါး ပေါင်းစပ်လိုက်ခြင်းမှတစ်ဆင့် တောင်သူလယ်သမား မိသားစုများနှင့် တိုင်းရင်းသား လူမျိုးစု လူမှုအသိုက်အဝန်းတုိ့၏ ပိုင်ဆိုင်မှုများကို ဖယ်ရှားကာ ရယူ စုဆောင်းခြင်းကို ဆိုလိုသည်။ 

ထို့နောက် စက်မှုလုပ်ငန်းဆိုင်ရာမူဝါဒကို ဆက်လက်ဆွေးနွေး တင်ပြရာတွင် စစ်အစိုးရ၏ စက်မှုထွန်းကားရေး စမ်းသပ် အကောင်အထည်ဖော် ဆောင်ရွက်မှုများက အဘယ့်ကြောင့်နှင့် မည်သုိ့မည်ပုံကျရှုံးခဲ့ရသည်ကို ဦးစွာစိစစ်လေ့လာတင်ပြထားပြီး ဂျပန်အစိုးရက အားပေးမြှင့်တင်နေခဲ့သည့် နိုင်ငံခြားရင်းနှီးမြှုပ်နှံ မှု ဦးဆောင်သောနှင့် ပို့ကုန်ဦးတည်သော စက်မှုထွန်းကားရေး လုပ်ငန်းစဉ်ကို ဝေဖန်ဆွေးနွေးထားသည်။ ထိုမဟာဗျူဟာ၏ အောက်ဖော်ပြပါ အဓိကမဏ္ဍိုင်များကို အသေးစိတ်စိစစ်လေ့လာ သုံးသပ်ထားခြင်း ဖြစ်သည်။ ဒေသတွင်းချိတ် ဆက်လုပ်ဆောင်မှု ကို မြှင့်တင်ပေးရန် ရည်ရွယ်သော စီးပွားရေးစင်္ကြန့်များ၊ အထူး စီးပွားရေးဇုန်များ (SEZs) နှင့် မြန်မာနိုင်ငံအတွက် အကျိုး ဖြစ်ထွန်းစေမည်ဟု ထင်မြင်ယူဆထားသော ကုန်ထုတ်လုပ်မှု ဖြစ်စဉ်အား “အပိုင်းပိုင်း ခွဲခြမ်းလုပ်ကိုင်ခြင်း (Fragmentation)” တို့ ပါဝင်လေသည်။ 

နောက်တစ်ခန်းတွင် ဤအစီရင်ခံစာသည် မြန်မာနိုင်ငံ၏ စွမ်းအင် အနာဂတ်နှင့်ပတ်သက်၍ အချေအတင် ဆွေးနွေးထား ပြီး ကျောက်မီးသွေးစွမ်းအင်၊ ရေအားလျှပ်စစ်စွမ်းအင်နှင့် ပြန်လည်ပြည့်ဖြိုးမြဲ စွမ်းအင်လမ်းကြောင်းတို့၏ ကောင်းကျိုး ဆိုးပြစ်များကို အနီးကပ်လေ့လာတင်ပြထားသည်။ 

ကျောက်မီးသွေးနှင့် ရေအားလျှပ်စစ်စွမ်းအင် ရွေးချယ်မှုများ အပေါ် စီးပွားရေးကော်ပိုရေးရှင်းများနှင့် အင်စတီးကျူးရှင်းများ၏ အကျိုးစီးပွားများနှင့် ပထဝီနိုင်ငံရေးဆိုင်ရာ အကျိုးစီးပွားများက တစ်စိတ်တစ်ပိုင်းအနေဖြင့် အားကောင်းပြင်းထန်စွာဖြင့် မည်သို့ မည်ပုံ ပါဝင်လွှမ်းမိုးနေသည်ကို ဖော်ပြထားပြီး အဆိုပြုထား သော ပြန်လည်ပြည့်ဖြိုးမြဲစွမ်းအင်မဟာဗျူဟာ တစ်ရပ်နှင့် ပတ်သက်သည့် ပြဿနာအချို့ကိုလည်း ဆွေးနွေး တင်ပြထား သည်။ 

စွမ်းအင်မူဝါဒပြီးနောက် ဆက်လက်ဆွေးနွေးထားသည်မှာ ခရိုနီများဟုခေါ်တွင်သော လွှမ်းမိုးမှုအလွန်တရာကြီးမားသော စီးပွားရေးအုပ်စု တစ်စုအကြောင်းပင်ဖြစ်သည်။ 

စစ်အစိုးရ၏ အခွင့်ထူးခံများဖြစ်လာခဲ့ပြီး မျက်မှောက်ခေတ် မြန်မာ့စီးပွားရေးကိုကြီးစိုးထားသည့် မတူခြားနားသော စီးပွားရေးလုပ်ငန်းစုကြီးများကို အနီးကပ်လေ့လာပြီး သူတို့နှင့် NLD အစိုးရကြားမှ လက်ရှိဆက်ဆံရေးများအကြောင်းကို အနည်းငယ်တို့ထိ ထားသည်။ ထို့နောက် ဂျပန်နှင့် နိုင်ငံတကာ အလှူရှင်အဖွဲ့အစည်းများ အားပေးထောက်ခံကြသည့် နိုင်ငံခြား ရင်းနှီးမြှုပ်နှံမှု ဦးဆောင်သော မဟာဗျူဟာအတွင်းမှ ခရိုနီတို့၏ အနာဂတ်အလားအလာကို ဆွေးနွေးတင်ပြထားသည်။ 

အတိတ်ကာလမှ သိမ်းပိုက်လုယူခဲ့မှုများအတွက် ကြီးကြီးမားမား ပြန်လည်အလျော်ပေးစေခြင်းနှင့် ၎င်းတို့၏ ဥစ္စာဓနမှ ကြီးမား သော အစိတ်အပိုင်းတစ်ရပ်ကို ပြန်လည်ခွဲဝေပေးရန် ဦးတည်သော တင်းကျပ်သည့် အခွန်စည်းမျဉ်းစည်းကမ်းများ ချမှတ်ခြင်းတို့မပါလျှင် ခရိုနီတို့သည် သူတို့၏ ခေါင်းပုံဖြတ် အမြတ်ထုတ်ရေး နည်းလမ်းများကို ရပ်တန့်လိမ့်မည် မဟုတ်သည် ဖြစ်ရာ တိုင်းပြည်၏ စီးပွားရေးအနာဂတ်အား ထိခိုက်ပျက်စီးစေနိုင်ကြောင်းကို ကောက်ချက်ချတင်ပြထား သည်။ 

နောက်ဆုံးတွင် အခြားရွေးချယ်စရာ ဖွံ့ ဖြိုးရေးပါရာဒိုင်း တစ်ခုအတွက် အဆိုပြုချက်တစ်ရပ်ကို ဆွေးနွေးထား၏။ Karl Polanyi ၏ “လူမှုအဖွဲ့အစည်း စနစ်များနှင့် ဆက်စပ်မနေသော ဈေးကွက် (Dis-embedded market)” သဘောတရားကို အသုံးပြုကာ အလှူရှင်အဖွဲ့ အစည်းတို့  အဆိုပြုခဲ့သော မဟာ ဗျူဟာများအား ဦးဆောင်လမ်းညွှန်နေသည့် နီယိုလစ်ဘရယ် ပါရာဒိုင်း (Neo-liberal paradigm) ကို အသေးစိတ် ဝေဖန်တင် ပြထားသည်။ အခြားရွေးချယ်စရာ မဟာဗျူဟာတစ်ရပ် (သို့မဟုတ်) နီယိုလစ်ဘရယ် ခေတ်လွန် ပါရာဒိုင်း (PNP) မှာမူ ဈေးကွက်အား လူမှုအဖွဲ့အစည်းနှင့် ပြန်လည်ဆက်စပ်ပေးပြီး ၎င်းကို ထိန်းချုပ်မောင်းနှင်ပေးမည့် အရေးအကြီးဆုံး စံနှုန်း တန်ဖိုးများဖြင့် လွှမ်းခြုံကာ ထိန်းချုပ်မောင်းနှင်ပေးခြင်း ဖြစ် သည်။ 

ထို့နောက်တွင် ဤစာတမ်းက မြန်မာနိုင်ငံအတွက် စိုက်ပျိုရေး ဦးဆောင်သော (PNP) တစ်ခုကို အကြံပြုထောက်ခံထားပြီး
ထို (PNP) ကို လမ်းညွှန်ပေးမည့် အခြေခံမူများကို တင်ပြထား သည်။ သာတူညီမျှမှုကို ဦးစားပေးခြင်း၊ စီးပွားရေးနှင့် သဘာဝ ပတ်ဝန်းကျင် သဟဇာတဖြစ်ခြင်း၊ ပြည်သူနှင့် အနီးဆုံး အစိုးရ အဖွဲ့ကို လုပ်ပိုင်ခွင့်အာဏာအပ်ခြင်း (subsidiarity) နှင့် စီးပွားရေးဆိုင်ရာ စီမံခန့်ခွဲရေး နယ်ပယ်များအားလုံးတွင် ဒီမိုကရေစီနည်းကျ ဆုံးဖြတ်ချက်ချမှတ်ခြင်း အစရှိသည်တို့ ပါဝင်သည်။ (PNP) အတွင်းရှိ စိုက်ပျိုးရေးလုပ်ငန်း၏ အခန်း ကဏ္ဍနှင့် ပတ်သက်၍ ဤအစီရင်ခံသည် လယ်ယာမြေ ဆိုင်ရာ တရားမျှတမှု (agrarian justice) ကို ပေးစွမ်းနိုင်မည့် အဖွဲ့အစည်းတစ်ရပ် ဖွဲ့စည်းတည်ထောင်ခြင်းနှင့် မြေယာဆိုင်ရာ ဥပဒေ အချို့ကို ပယ်ဖျက်ခြင်းနှင့် ပြန်လည်ပြင်ဆင်ရေးဆွဲခြ င်းတို့သည် ထိုကဲ့သို့သော ချဉ်းကပ်လုပ်ဆောင်ပုံစနစ်တစ်ရပ် အောင်မြင်နိုင်ရန်အတွက် မရှိမဖြစ်အရေးပါသော ကနဦး လိုအပ်ချက် တစ်ရပ်ဖြစ်သည်ဟု အခိုင်အမာ တင်ပြထားသည်။ 

ဆက်လက်ပြီး ဤစာတမ်းက ဒေသခံစီးပွားရေး လုပ်ငန်းများ၊ သမဝါယမလုပ်ငန်းများ၊ အသေးစားနှင့် အလတ်စား စီးပွားရေး လုပ်ငန်းများ၊ နိုင်ငံပိုင်လုပ်ငန်းများ စသည်တို့ ပါဝင်အားပေးနိုင် မည့် စိုက်ပျိုးရေးကဏ္ဍနှင့် ကျေးလက်မှ ဦးဆောင်သော စက်မှု ထွန်းကားရေး လုပ်ငန်းစဉ်တစ်ရပ်ကို အဆိုပြုတင်ပြထား၏။ ထိုလုပ်ငန်းစဉ်များတွင် ဓာတုကင်းစင်သော စိုက်ပျိုးရေးလုပ်ငန်း အတွက် စက်မှုထွက်ကုန် သွင်းအားစုများ၊ အပူပိုင်းဒေသရောဂါ များနှင့် နာကျင်ကိုက်ခဲမှု ရောဂါဝေဒနာများ အတွက် ဆေးဝါးထုတ်ကုန်များနှင့် ဗဟိုထိန်းချုပ်မှု မရှိသော ပြန်လည် ပြည့်ဖြိုးမြဲ စွမ်းအင်လမ်းကြောင်းတစ်ရပ်အတွက် ဆိုလာနှင့် သက်ဆိုင်သော စက်ပစ္စည်းကိရိယာများ ထုတ်လုပ်ခြင်းတို့ ပါဝင် သည်။ လူမှုရေးကဏ္ဍအတွက် အလွန်အသုံးဝင်သော ကုန်ထုတ် လုပ်ငန်းများအပေါ် အဓိကအလေးပေးသည့် အစိုးရပိုင် စီးပွား ရေး လုပ်ငန်းများတို့ဖြင့် စက်မှုထွန်းကားရေးကို မြှင့်တင်သော လုပ်ငန်းစဉ်ပင် ဖြစ်လေသည်။ 

ထို့နောက် အခြားရွေးချယ်စရာ ကုန်သွယ်ရေး မဟာဗျူဟာ တစ်ရပ်၏ အစိတ်အပိုင်းလက္ခဏာရပ်များကို ထင်သာမြင်သာ ဖြစ်အောင် ဖော်ပြထားပြီး ဆိုလာအခြေခံစွမ်းအင် အခြေခံ အဆောက်အအုံတစ်ခုတွင် ပါဝင်ရမည့်အရာများကို ဆွေးနွေး တင်ပြထားသည်။ နိဂုံးချုပ်အနေနှင့် ဤစာတမ်းသည် အခြား ရွေးချယ်စရာ (PNP) အတွက် အသေးစိတ်ရှင်းလင်း ဖော်ထုတ် ခြင်းနှင့် အကောင်အထည်ဖော်ဆောင်ရွက်ခြင်း လုပ်ငန်းစဉ် အကြောင်းကို ဆွေးနွေးကာ ထိုလုပ်ငန်းစဉ်ကို လမ်းညွှန်ပေးနိုင် မည့် အခြေခံမူများကို အဆိုပြု တင်ပြထားပေသည်။